മാര്‍ക്ക് രേഖപ്പെടുത്തിയില്ല, എസ്.എഫ്.ഐ സംസ്ഥാന സെക്രട്ടറി പി.എം ആര്‍ഷോ എന്നിട്ടും പാസായി; വിവാദം

തിരുവനന്തപുരം: എസ്.എഫ്.ഐ സംസ്ഥാന സെക്രട്ടറി പി.എം ആര്‍ഷോയുടെ മാര്‍ക്ക് ലിസ്റ്റിനെച്ചൊല്ലി വിവാദം. മൂന്നാം സെമസ്റ്റര്‍ ആര്‍ക്കിയോളജിയുടെ മാര്‍ക്ക് ലിസ്റ്റില്‍ മാര്‍ക്ക് രേഖപ്പെടുത്തിയിട്ടില്ല. എന്നിട്ടും പട്ടിക പ്രകാരം ആര്‍ഷോ പരീക്ഷ പാസായവരുടെ കൂട്ടത്തിലാണ്. ലിസ്റ്റില്‍ ഇന്റേണല്‍ എക്‌സ്റ്റേണല്‍ പരീക്ഷ മാര്‍ക്കുകള്‍ രേഖപ്പെടുത്തിയിട്ടില്ല.

അതേസമയം, സംഭവിച്ചത് സാങ്കേതിക പിഴവാണെന്ന് പ്രിന്‍സിപ്പല്‍ അറിയിച്ചു. വിശദമായ പരിശോധന നടത്തുമെന്നും മഹാരാജാസ് കോളജ് പ്രിന്‍സിപ്പല്‍ അറിയിച്ചു.

മാര്‍ച്ചിലാണ് പരീക്ഷയുടെ ഫലം വന്നത്. മൂന്നാം സെമസ്റ്റര്‍ മാര്‍ക്ക് ലിസ്റ്റില്‍ ആര്‍ക്കിയോളജിക്ക് ആര്‍ഷോയ്ക്ക് പൂജ്യം എന്നാണ് രേഖപ്പെടുത്തിയിരിക്കുന്നത്. പക്ഷേ പാസ്ഡ് എന്നും ലിസ്റ്റില്‍ രേഖപ്പെടുത്തിയിരിക്കുന്നു.