ആദ്യം ശുദ്ധിയാക്കണം; കര്‍ണാടക നിയമസഭയ്ക്ക് മുന്നില്‍ ഗോമൂത്രം തളിച്ച് പൂജ നടത്തി കോണ്‍ഗ്രസ് പ്രവര്‍ത്തകര്‍

ബംഗളുരു: കര്‍ണാടക നിയമസഭാ സമ്മേളനം ചേരുന്നതിന് തൊട്ടുമുന്‍പ് വിധാന്‍ സഭയ്ക്ക് മുന്നില്‍ ഗോമൂത്രം തളിച്ച് ശുദ്ധീകരണം നടത്തി കോണ്‍ഗ്രസ് പ്രവര്‍ത്തകര്‍. ഒരു ബക്കറ്റില്‍ ഗോ മൂത്രം നിറച്ച് അതില്‍ ഇല മുക്കി നിയമസഭയ്ക്ക് ചുറ്റും തളിക്കുകയായിരുന്നു.

#WATCH | Bengaluru: Congress workers sprinkle cow urine and perform Pooja at the State Assembly in Bengaluru. They said that they are 'purifying' Vidhana Soudha. pic.twitter.com/SWapoH7vOL

— ANI (@ANI) May 22, 2023

കര്‍ണാടകയില്‍ കോണ്‍ഗ്രസ് സര്‍ക്കാര്‍ രൂപീകരിച്ചാല്‍ നിയമസഭയെ ഗോമൂത്രം ഉപയോഗിച്ച് ശുദ്ധീകരിക്കുമെന്ന് ഡി.കെ ശിവകുമാര്‍ തിരഞ്ഞെടുപ്പ് പ്രചാരണ വേളയില്‍ പറഞ്ഞിരുന്നു.

അതേസമയം, സിദ്ധരാമയ്യ സര്‍ക്കാരിന്റെ ആദ്യ നിയമസഭാ സമ്മേളനത്തിന് ഇന്ന് തുടക്കമായി. ബുധനാഴ്ച്ചവരെയാണ് സമ്മേളനം. മുതിര്‍ന്ന അംഗവും കോണ്‍ഗ്രസ് നേതാവുമായ ആര്‍.വി. ദേശ്പാണ്ഡെയെ പ്രോ ടേം സ്പീക്കറായി തെരഞ്ഞെടുത്തിട്ടുണ്ട്.