ഹൈദരാബാദ്: മുതിര്‍ന്ന രാഷ്ട്രീയ നേതാവും ടി.ആര്‍.എസ് മുന്‍ രാജ്യസഭാ എം.പിയുമായ ഡി.ശ്രീനിവാസ് വീണ്ടും കോണ്‍ഗ്രസില്‍ ചേര്‍ന്നു. 2004ല്‍ കോണ്‍ഗ്രസിനെ അധികാരത്തിലെത്തിക്കുന്നില്‍ നിര്‍ണായക പങ്കുവഹിച്ച നേതാവാണ് ഡി.ശ്രീനിവാസ്. അദ്ദേഹത്തിന്റെ മകന്‍ ഡി.അരവിന്ദ് നിസാമാബാദില്‍നിന്നുള്ള ബി.ജെ.പി എം.പിയാണ്. കോണ്‍ഗ്രസില്‍ ചേര്‍ന്നുകഴിഞ്ഞാല്‍ രാഹുല്‍ ഗാന്ധിയെ അയോഗ്യനാക്കിയതിനെതിരെ ഡല്‍ഹിയില്‍ നടക്കുന്ന സത്യഗ്രഹ സമരത്തില്‍ ശ്രീനിവാസ് പങ്കെടുക്കുമെന്ന് കോണ്‍ഗ്രസ് അറിയിച്ചു.

Hyderabad | Rahul Gandhi is my leader. How can you say that he doesn't have the eligibility (of being an MP)? Given the sacrifices made by that family & their experience, you can't question his eligibility: Former BRS MP, D Srinivas ahead of re-joining Congress

"I am joining the… pic.twitter.com/nsTL5iDRd2

— ANI (@ANI) March 26, 2023

”രാഹുല്‍ ഗാന്ധി എന്റെ നേതാവാണ്. അദ്ദേഹത്തിന് എം.പിയായിരിക്കാന്‍ യോഗ്യതയില്ലെന്ന് എങ്ങനെ പറയാനാവും. ആ കുടുംബത്തിന്റെ ത്യാഗവും അനുഭവവും പരിഗണിക്കുമ്പോള്‍ അവരുടെ യോഗ്യത ചോദ്യം ചെയ്യാനാവില്ല. ഞാന്‍ ഇന്ന് തന്നെ പാര്‍ട്ടിയില്‍ ചേരും. ഇപ്പോള്‍ നടന്നുകൊണ്ടിരിക്കുന്ന അവരുടെ പ്രതിഷേധ പരിപാടിയില്‍ ഞാനും പങ്കെടുക്കും”ശ്രീനിവാസ് പറഞ്ഞു.

ആന്ധ്രാപ്രദേശ് പി.സി.സി അധ്യക്ഷനായിരുന്ന ഡി. ശ്രീനിവാസ് 2015ലാണ് കോണ്‍ഗ്രസ് വിട്ടത്. 1989, 1999, 2004 വര്‍ഷങ്ങളില്‍ കോണ്‍ഗ്രസ് എം.എല്‍.എ ആയ ശ്രീനിവാസ് രാജശേഖര്‍ റെഡ്ഢി മന്ത്രിസഭയില്‍ ഉന്നത വിദ്യാഭ്യാസ മന്ത്രിയായിരുന്നു.