2021 January 25 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

കല്ലാമലയില്‍ പരിഹാരമായില്ല, പ്രചാരണത്തിനിറങ്ങില്ലെന്ന് കെ മുരളീധരന്‍

കോഴിക്കോട്: കല്ലാമലയില്‍ കോണ്‍ഗ്രസ് സ്ഥാനാര്‍ഥിയ്ക്ക് വേണ്ടി പ്രചാരണത്തിനിറങ്ങില്ലെന്ന് വടകര എം.പി കെ മുരളീധരന്‍. കല്ലാമലയില്‍ പ്രശ്‌നം പരിഹരിച്ചിട്ടില്ല. ചര്‍ച്ചകള്‍ നടക്കുകയാണ്. പ്രശ്‌നം പരിഹരിക്കാതെ പ്രചാരണത്തിനിറങ്ങാന്‍ കഴിയില്ലെന്നും മുരളീധരന്‍ പറഞ്ഞു.

ആര്‍.എം.പിയുമായി യു.ഡി.എഫിലുണ്ടാക്കിയ ധാരണ കണക്കിലെടുക്കാതെയാണ് കോണ്‍ഗ്രസിന് സ്ഥാനാര്‍ഥിയുണ്ടായത്. തദ്ദേശ തെരഞ്ഞെടുപ്പില്‍ വെല്‍ഫെയര്‍ പാര്‍ട്ടിയുമായി സഖ്യമുണ്ടാക്കിയത് രാഷ്ട്രീയകാര്യ സമിതി തീരുമാനപ്രകാരമാണെന്നും അദ്ദേഹം പറഞ്ഞു.

മുല്ലപ്പള്ളി എന്തുകൊണ്ടാണ് അങ്ങനെ പറഞ്ഞതെന്നറിയില്ല. സി.പി.എമ്മിനെ തോല്‍പ്പിക്കാന്‍ എല്ലാ കക്ഷികളുമായും നീക്കുപോക്കുണ്ടാകുമെന്ന് യു.ഡി.എഫ് തീരുമാനിച്ചതാണെന്നും മുരളീധരന്‍ കൂട്ടിച്ചേര്‍ത്തു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.