ന്യൂഡല്‍ഹി: റിപ്പബ്ലിക്ക് ദിനത്തില്‍ കേരളത്തില്‍ എല്‍.ഡി.എഫ് നടത്തിയ മനുഷ്യ മഹാശൃംഖലയെച്ചൊല്ലി കേരളത്തില്‍ യു.ഡി.എഫില്‍ വിവാദമുണ്ടാകുന്നതിനിടെ, ശംഖല തീര്‍ത്തതിന്റെ ചിത്രം പങ്കുവച്ച് കോണ്‍ഗ്രസ് നേതാവ് ശ്രീവാട്സ. യൂത്ത് കോണ്‍ഗ്രസിന്റെ ദേശീയ പ്രചാരണച്ചുമതലയുള്ള കര്‍ണാടകയില്‍ നിന്നുള്ള ശ്രീവാട്സയുടെ ട്വീറ്റ് ഇങ്ങനെ:

‘കേരളത്തിലെ മനുഷ്യ ശൃംഖലയില്‍ ലക്ഷങ്ങള്‍

ശഹീന്‍ ബാഗില്‍ റിപ്പബ്ലിക്ക് ദിനാഘോഷം

ബെംഗളൂരുവില്‍ ദലിത് ആദിവാസി മാര്‍ച്ച്

സി.എ.എ, എന്‍.ആര്‍.സി വിരുദ്ധ മുന്നേറ്റങ്ങള്‍ വലുതായിരിക്കൊണ്ടിരിക്കുന്നു. ചിത്രങ്ങള്‍ കണ്ട് ഈ കോടികളുടെ വസ്ത്രം നോക്കി തിരിച്ചറിയാന്‍ മോദി പാടുപെടും’

ഈ ട്വീറ്റിനൊപ്പം മനുഷ്യ മഹാശൃംഖലയുടെ രണ്ട് ചിത്രങ്ങളും പങ്കുവച്ചിട്ടുണ്ട്. ഷഹീന്‍ ബാഗിലെയും ബംഗളൂരുവിലെയും ചിത്രങ്ങളാണ് ഒപ്പമുള്ളത്.

🔸Lakhs in a Human Chain in Kerala

🔸11km Human Chain in Kolkata

🔸Republic Day celebrations in Shaheen Bagh

🔸Dalit & Adivasi march in Bengaluru

Anti-CAA-NRC movement grows bigger & bigger. Modi would be tired of seeing pics & identifying crores of people by their clothes 😄 pic.twitter.com/9wxWADKlW0

— Srivatsa (@srivatsayb) January 27, 2020

പൗരത്വഭേദഗതി നിയമത്തിനെതിരെ ഇടതുമുന്നണി സംഘടിപ്പിച്ച മനുഷ്യമഹാശൃംഖലയില്‍ യു.ഡി.എഫ് അണികള്‍ പങ്കെടുത്തത് ഗൗരവത്തോടെ പരിശോധിക്കണമെന്ന് മുതിര്‍ന്ന കോണ്‍ഗ്രസ് നേതാവും എം.പിയുമായ കെ മുരളീധരന്‍ പറഞ്ഞിരുന്നു. നേതാക്കള്‍ ഇക്കാര്യം ഗൗരവമായി കാണുകയും പരിശോധിക്കുകയും വേണമെന്ന് അദ്ദേഹം ആവശ്യപ്പെട്ടു.