2024 February 22 Thursday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

കൊടുങ്ങല്ലൂരില്‍ കോണ്‍ഗ്രസിന് പുതുമുഖമെത്തിയേക്കും

 

കൊടുങ്ങല്ലൂര്‍: ആഞ്ഞുപിടിച്ചാല്‍ കൂടെ പോരുമെന്ന് യു.ഡി.എഫ് വിശ്വസിക്കുന്ന കൊടുങ്ങല്ലൂര്‍ മണ്ഡലത്തില്‍ കോണ്‍ഗ്രസിന്റെ സ്ഥാനാര്‍ഥി സാധ്യതാ പട്ടികയ്ക്ക് അനുദിനം നീളം കൂടുന്നു.

സ്ഥിരം മുഖങ്ങള്‍ സ്ഥാനാര്‍ഥിക്കുപ്പായം അഴിച്ചുവയ്ക്കണമെന്നും പുതുമുഖങ്ങള്‍ക്ക് അവസരം നല്‍കണമെന്നുമുള്ള വാദം ഗ്രൂപ്പുകള്‍ക്കതീതമായി ഇവിടെ ഉയരുന്നുണ്ട്. ഈ ആവശ്യത്തിന് അര്‍ഹിക്കുന്ന പരിഗണന ലഭിച്ചാല്‍ കൊടുങ്ങല്ലൂര്‍ മണ്ഡലത്തില്‍ പുതുതലമുറ സ്ഥാനാര്‍ഥി വരും. കെ.പി.സി.സി സെക്രട്ടറി സി.എസ് ശ്രീനിവാസനാണ് സാധ്യതാ പട്ടികയില്‍ ഒന്നാം സ്ഥാനത്തുള്ളത്.

   

മണ്ഡലത്തിലെ രാഷ്ട്രീയത്തിനതീതമായ സൗഹൃദം ശ്രീനിവാസന് അനുകൂല ഘടകമാണ്. കെ.കെ.ടി.എം കോളജ് യൂനിയന്‍ ചെയര്‍മാനില്‍ തുടങ്ങി രണ്ടര പതിറ്റാണ്ടു കാലമായി രാഷ്ട്രീയത്തില്‍ നിറഞ്ഞുനില്‍ക്കുന്ന ശ്രീനിവാസന് സാമൂഹ്യ, സാംസ്‌കാരിക രംഗങ്ങളിലെ പ്രവര്‍ത്തന മികവും തുണയാകും.
എ ഗ്രൂപ്പിനാണ് മണ്ഡലം ലഭിക്കുന്നതെങ്കില്‍ മറ്റൊരു പുതുമുഖത്തിന് സാധ്യതയുണ്ട്. ഇരിങ്ങാലക്കുട നഗരസഭാ ചെയര്‍പേഴ്‌സണ്‍ സോണിയാ ഗിരി അപ്രതീക്ഷിതമായി സാധ്യതാ പട്ടികയില്‍ ഇടം പിടിച്ചത് ഈ കണക്കുകൂട്ടലിലാണ്. അതേസമയം മുന്‍ എം.പി കെ.പി ധനപാലന്‍ വൈപ്പിനില്‍ അല്ലെങ്കില്‍ കൊടുങ്ങല്ലൂരില്‍ മത്സരിച്ചേക്കാമെന്ന് ശ്രുതിയുമുണ്ട്. കഴിഞ്ഞ തവണ വി.ആര്‍ സുനില്‍കുമാറിനോട് പരാജയപ്പെട്ട ധനപാലന്‍ എറണാകുളം ജില്ലയില്‍ സീറ്റ് ലഭിക്കാതെ വരുന്ന സാഹചര്യത്തില്‍ മാത്രമേ കൊടുങ്ങല്ലൂരിലേക്ക് തിരിയുകയുള്ളൂ. മുമ്പ് ടി.എന്‍ പ്രതാപന് വേണ്ടി വഴിയൊഴിഞ്ഞു കൊടുത്ത മുന്‍ എം.എല്‍.എ ടി.യു രാധാകൃഷ്ണന്‍ ഐ ഗ്രൂപ്പിന്റെ സാധ്യതാ പട്ടികയിലുണ്ട്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.