സെന്റ് മേരീസ് ബസിലിക്കയില്‍ വീണ്ടും സംഘര്‍ഷം; വൈദികരെ കൈയ്യേറ്റം ചെയ്തു, ബലിപീഠം തകര്‍ത്തു
കൊച്ചി: ഏകീകൃത കുര്‍ബാനയെച്ചൊല്ലി സെന്റ് മേരീസ് ബസലിക്കയില്‍ സംഘര്‍ഷം. ഏകീകൃത കുര്‍ബാനയെ അനുകൂലിക്കുന്നവര്‍ അള്‍ത്താരയിലേക്ക് തള്ളിക്കയറി. കുര്‍ബാന നടത്തിക്കൊണ്ടിരിക്കുന്ന വിഭാഗം വൈദികരെ തള്ളിമാറ്റി ബലിപീഠം തകര്‍ത്തു.
ഇന്നലെ വൈകിട്ട് ആരംഭിച്ച വൈദികരുടെ ജനാഭിമുഖ കുര്‍ബാന തുടരുന്നതിനിടെയാണ് ഇതിനെ എതിര്‍ത്ത് ഏകീകൃത കുര്‍ബാനയെ പിന്തുണയ്ക്കുന്നവരും പള്ളിയിലെത്തിയത്. പൊലിസെത്തി പള്ളിക്കുള്ളില്‍ നിന്ന് വൈദികരേയും വിശ്വാസികളെയും നീക്കി.
ആള്‍ത്താരയിലുണ്ടായിരുന്ന സാധനസാമഗ്രികളും വിളക്കുകളുമെല്ലാം പ്രതിഷേധക്കാര്‍ തകര്‍ത്തു.
പൊലീസ് നിരുത്തരവാദപരമായാണ് പെരുമാറുന്നതെന്നും വിശുദ്ധ കുര്‍ബാനയെ അവഹേളിക്കാന്‍ പൊലിസ് കൂട്ടുനിന്നുവെന്നും വൈദികര്‍ ആരോപിച്ചു. അതേസമയം, ഇരുവിഭാഗങ്ങളുമായി ചര്‍ച്ച നടത്തുമെന്ന് പൊലിസ് അറിയിച്ചു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Comments are closed for this post.
