2023 January 31 Tuesday
‘കട്ടപ്പുറത്തെ കേരള സര്‍ക്കാര്‍’ ധവളപത്രം പുറത്തിറക്കി യു.ഡി.എഫ്; ഗുരുതര ആരോപണങ്ങള്‍

ഒടുവില്‍, ഏറ്റവും ഒടുവില്‍… ബൈഡനെയും കമല ഹാരിസിനെയും അഭിനന്ദിച്ച് ചൈന

 

ബീജിങ്: യു.എസ് തെരഞ്ഞെടുപ്പില്‍ മികച്ച വിജയം നേടി പ്രസിഡന്റ് സ്ഥാനത്തെത്തിയ ജോ ബൈഡനെയും വൈസ് പ്രസിഡന്റ് സ്ഥാനത്തേക്ക് തെരഞ്ഞെടുക്കപ്പെട്ട കമല ഹാരിസിനെയും അഭിനന്ദിച്ച് ചൈന. മറ്റു ലോകരാഷ്ട്രങ്ങളെല്ലാം നേരത്തെ തന്നെ അഭിനന്ദനങ്ങള്‍ അറിയിച്ചിരുന്നുവെങ്കിലും ദിവസങ്ങള്‍ക്കു ശേഷമാണ് ചൈനയുടെ അഭിനന്ദനമെത്തുന്നത്.

തെരഞ്ഞെടുപ്പില്‍ ബൈഡന്റെ വിജയം വ്യക്തമാണെങ്കിലും നിലവിലെ പ്രസിഡന്റ് ഡൊണാള്‍ഡ് ട്രംപ് ഇതുവരെ അംഗീകരിച്ചിട്ടില്ല. തെരഞ്ഞെടുപ്പില്‍ ക്രമക്കേട് നടന്നെന്നാണ് ട്രംപിന്റെ വാദം. എന്നാല്‍ പ്രസിഡന്റ് സ്ഥാനം ഏറ്റെടുക്കാനുള്ള നടപടികളുമായി ബൈഡനും രംഗത്തുണ്ട്.

യു.എസ് തെരഞ്ഞെടുപ്പുമായി ബന്ധപ്പെട്ട് ആഭ്യന്തര തലത്തിലും അന്താരാഷ്ട്ര തലത്തിലും വരുന്ന പ്രതികരണങ്ങള്‍ ശ്രദ്ധിച്ചുവരികയായിരുന്നുവെന്ന് ചൈനീസ് വിദേശകാര്യ മന്ത്രാലയം വക്താവ് വാങ് വെന്‍ബിന്‍ പറഞ്ഞു. അമേരിക്കന്‍ ജനതയുടെ തെരഞ്ഞൈടുപ്പിനെ ഞങ്ങള്‍ ബഹുമാനിക്കുന്നുവെന്നും ബൈഡനെയും കമല ഹാരിസിനെയും അഭിനന്ദിക്കുന്നുവെന്നും അദ്ദേഹം പറഞ്ഞു.

അതിനിടെ, ബൈഡനെ അഭിനന്ദിച്ച് യു.എസ് സെക്രട്ടറി ജനറല്‍ ആന്റോണിയോ ഗുട്ടെറസും രംഗത്തെത്തി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.