2022 August 16 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

പൗരത്വ നിയമ ഭേദഗതിക്കെതിരെ കോലം വരച്ചതിന് അറസ്റ്റ്; എങ്കില്‍ ചെന്നൈ മൊത്തം കോലം നിറയട്ടേയെന്ന് കണ്ണന്‍ ഗോപിനാഥന്‍

 

ചെന്നൈ: പൗരത്വ നിയമ ഭേദഗതിക്കെതിരെയുള്ള വാചകങ്ങള്‍ ചേര്‍ത്തുള്ള കോലം വരച്ചതിന് ചെന്നൈയില്‍ ഏഴു പേരെ കസ്റ്റഡിയിലെടുത്തു. ബസന്ത് നഗര്‍ തെരുവില്‍ കോലം വരച്ച സ്ത്രീകളെയാണ് പൊലിസ് അറസ്റ്റ് ചെയ്തുനീക്കിയത്. ‘സി.എ.എ വേണ്ട, എന്‍.ആര്‍.സി വേണ്ട’ എന്നീ വാചകങ്ങളോടു കൂടിയ കോലങ്ങളാണ് സ്ത്രീകള്‍ വരച്ചത്.

സംഭവത്തില്‍ ശക്തമായ പ്രതിഷേധം അറിയിച്ച് ഡി.എം.കെ അധ്യക്ഷന്‍ എം.കെ സ്റ്റാലിനും കണ്ണന്‍ ഗോപിനാഥന്‍ ഐ.എ.എസും രംഗത്തെത്തി. അറസ്റ്റ് ചെയ്യാനാണ് തീരുമാനമെങ്കില്‍ ചെന്നൈ മൊത്തം കോലങ്ങള്‍ നിറയട്ടേയെന്ന് കണ്ണന്‍ ഗോപിനാഥന്‍ ട്വീറ്റ് ചെയ്തു.

ഇതോടെ കോലങ്ങള്‍ വരച്ചുള്ള പ്രതിഷേധം വ്യാപകമായിരിക്കുകയാണ്. നിരവധി പേര്‍ ‘kolamagainstCAA’ എന്ന ഹാഷ്ടാഗില്‍ ഇതിന്റെ ചിത്രങ്ങള്‍ പങ്കുവച്ചിട്ടുണ്ട്.

 

 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.