2021 May 16 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ജാഗ്രതൈ: എസ്.ബി.ഐയുടെ പേരില്‍ സമാനമായ വെബ്‌സൈറ്റുണ്ടാക്കി തൊഴില്‍ തട്ടിപ്പ്

 

പ്രമുഖ ബാങ്കിങ് സ്ഥാപനമായ എസ്.ബി.ഐയുടെ പേരില്‍ ഓണ്‍ലൈനിലൂടെ തൊഴില്‍ തട്ടിപ്പ്. സ്റ്റേറ്റ് ബാങ്ക് ഓഫ് ഇന്ത്യയുടെ പേരില്‍ തൊഴില്‍ തട്ടിപ്പു നടത്തുന്നത്തിനെതിരെ എസ്.ബി.ഐ മുന്നറിയിപ്പ് നല്‍കിയിട്ടുണ്ട്. തട്ടിപ്പുകാര്‍ എസ്.ബി.ഐയുടേതിന് സമാനമായ വെബ്‌സൈറ്റാണ് ഇതിനായി ഉപയോഗിക്കുന്നത്. എസ്.ബി.ഐല്‍ ജോലിക്ക് തെരഞ്ഞെടുക്കപ്പെട്ടവര്‍ എന്ന പേരില്‍ ആളുകളുടെ പേരുവിവരം വ്യാജ വെബ്‌സൈറ്റില്‍ പ്രസിദ്ധീകരിച്ച ശേഷം നിയമന ഉത്തരവ് നല്‍കാമെന്ന് പറഞ്ഞ് പണം തട്ടുന്നതാണ് തട്ടിപ്പുകാരുടെ രീതി. ഇത് ശ്രദ്ധയില്‍പ്പെട്ടതിനെ തുടര്‍ന്നാണ് ബാങ്ക് അധികൃതര്‍ മുന്നറിയിപ്പ് നല്‍കിയിരിക്കുന്നത്.

നിയമനത്തിന് തെരഞ്ഞെടുക്കപ്പെടുന്നവരുടെയോ ചുരുക്കപ്പട്ടികയില്‍ ഉള്‍പ്പെടുത്തുന്നവരുടെയോ പേര് വെബ്‌സൈറ്റില്‍ പ്രസിദ്ധീകരിക്കാറില്ലെന്ന് എസ്.ബി.ഐ വ്യക്തമാക്കിയിട്ടുണ്ട്. ഉദ്യോഗാര്‍ഥികളുടെ റോള്‍ നമ്പറോ രെജിസ്‌ട്രേഷന്‍ നമ്പറോ മാത്രമേ വെബ്‌സൈറ്റില്‍ പ്രസിദ്ധീകരിക്കൂ. തെരഞ്ഞെടുക്കപ്പെടുന്നവരെ വിവരം വ്യക്തിപരമായി അറിയിക്കും. ഇതിനായി ഇമെയില്‍ എസ്.എം.എസ്, തപാല്‍ സൗകര്യങ്ങളാണ് ഉപയോഗിക്കുക.

നിയമനനടപടികളുടെ എല്ലാ വിവരങ്ങളും  https://www.sbi.co.in/careers , https://bank.sbi/careers എന്നീ ലിങ്കുകളില്‍ പ്രസിദ്ധീരിക്കും. ഇത്തരത്തിലുള്ള എന്തെങ്കിലും അറിയിപ്പ് ലഭിച്ചാൽ ബാങ്കിന്റെ നിയമന വിഭാഗവുമായി ബന്ധപ്പെട്ട് ആധികാരികത ഉറപ്പാക്കണം.

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.