2020 October 22 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പാറ്റന്റ് നേടുന്നതിനെക്കുറിച്ച് കാലിക്കറ്റ് യൂനിവേഴ്‌സിറ്റി വെബിനാര്‍ നടത്തുന്നു

കോഴിക്കോട്: ഗവേഷണങ്ങളിലൂടെ നേടിയെടുക്കുന്ന അറിവുകള്‍ക്ക് നിയമപരമായ പാറ്റന്റ് നേടുന്നതിന് അധ്യാപകര്‍ക്കും ഗവേഷകര്‍ക്കും സഹായം നല്‍കുന്നതിനെക്കുറിച്ചും ബൗദ്ധിക സ്വത്തവകാശ നിയമങ്ങളെ ആറിച്ചും കാലിക്കറ്റ് യൂനിവേഴ്‌സിറ്റി ഒക്ടോബര്‍ 22 ന് വെബിനാര്‍ നടത്തുന്നു. കേരള സര്‍ക്കാര്‍ പുതുതായി ആരംഭിച്ച ശാസ്ത്ര സാങ്കേതിക കൗണ്‍സിലിനു കീഴിലുള്ള ഐപ്രിക്ക് (IPRICK) അഥവാ ബൗദ്ധിക സ്വത്തവകാശ വിവര കേന്ദ്രവുമായി ചേര്‍ന്ന് സര്‍വകലാശാല അഭ്യന്തര ഗുണനിലവാര സമിതിയാണ് (IQAC) വെബിനാര്‍ നടത്തുന്നത്.

കാലിക്കറ് വൈസ്‌ ചാന്‍സലര്‍ പ്രൊഫ. എം കെ ജയരാജ് ഉദ്ഘാടനം ചെയ്യുന്ന സെമിനാറില്‍ ഡോ. വി. അജിത് പ്രഭു, എസ്. ഷഫീക്ക് എന്നിവര്‍ വിഷയാവതരണം നടത്തും. കാലിക്കറ്റ് പ്രോ വൈസ് ചാന്‍സലര്‍ പ്രൊഫ. എം നാസര്‍, രജിസ്ട്രാര്‍ ഡോ. സി എല്‍ ജോഷി, സിന്‍ഡിക്കേറ്റ് അംഗങ്ങളായ കെ കെ ഹനീഫ, പ്രൊഫ.എം മനോഹരന്‍, അസിസ്റ്റന്റ് രജിസ്ട്രാര്‍ വി.വി സാബു എന്നിവരും സെമിനാറില്‍ പങ്കെടുക്കും. വെബിനാറില്‍ പങ്കെടുക്കാന്‍ ആംഹിക്കുന്നവര്‍ https://forms.gle/VFe35yoLKpgNVfXz7 എന്ന ലിങ്കിലൂടെ ഒക്ടോബര്‍ 21 നു മുമ്പായി രജിസ്റ്റര്‍ ചെയ്യണമെന്ന് IQAC ഡയറക്ടര്‍ ഡോ. ശിവദാസന്‍. പി അറിയിച്ചു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.