അബഹ: ഉംറ തീർഥാടകർ സഞ്ചരിച്ച ബസ് അബഹക്ക്​ സമീപം അപകടത്തിൽപ്പെട്ട് 21 പേർ മരിച്ചതായി റിപ്പോർട്ട്. മരിച്ചവർ ബംഗ്ലാദേശ് സ്വദേശികളാണെന്നാണ് പ്രാഥമിക വിവരം. അപകടത്തിൽ നിരവധി പേർക്ക് പരിക്കേറ്റു. അബഹയിൽനിന്ന്​ ജിദ്ദയിലേക്കുള്ള റോഡിൽ മഹായിൽ ചുരത്തിലാണ്​ അപകടം നടന്നത്.

അബഹയിൽനിന്ന്​ ജിദ്ദയിലേക്കുള്ള റോഡിൽ മഹായിൽ ചുരത്തിലാണ്​ അപകടം. അപകടത്തിൽപ്പെട്ട ബസ് കത്തി നശിച്ചതായാണ് വിവരം. ഇതാണ് മരണം വർധിപ്പിച്ചത്. ഏഷ്യക്കാർ നടത്തുന്ന ഉംറ ഗ്രൂപ്പിന്​ കീഴിൽ തീർഥാടനത്തിന്​ പുറപ്പെട്ടവരാണ്​​ അപകടത്തിൽ പെട്ടത്.

പരിക്കേറ്റവരെ അബഹയിലെ അസീർ ആശുപത്രി, അബഹ പ്രൈവറ്റ്​ ആശുപത്രി, സൗദി ജർമൻ ആശുപത്രി എന്നിവിടങ്ങളിൽ പ്രവേശിപ്പിച്ചു. കൂടുതൽ വിവരങ്ങൾ അറിവായിട്ടില്ല