2021 March 02 Tuesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഓഫീസ് ജീവനക്കാര്‍ക്ക് കൊവിഡ്: കര്‍ണാടക മുഖ്യമന്ത്രി യെദ്യൂരപ്പ ക്വാറന്റൈനില്‍ പോയി

 

ബംഗലൂരു: ഓഫിസ് ജീവനക്കാര്‍ക്ക് കൊവിഡ് സ്ഥിരീകരിച്ചതിനെ തുടര്‍ന്ന് കര്‍ണാടക മുഖ്യമന്ത്രി ബി.എസ് യെദ്യൂരപ്പ ക്വാറന്റൈനില്‍ പോയി. മുഖ്യമന്ത്രിയുടെ ഔദ്യോഗിക വസതിയിലെ ഓഫീസായ കൃഷ്ണ അടച്ചിടുകയും ചെയ്തു.

യെദ്യൂരപ്പയുടെ ഡ്രൈവര്‍ക്കും അദ്ദേഹത്തിന്റെ ദാവാല്‍ഗിരിയിലെ വസതിയിലെ പാചകക്കാരനുമാണ് കൊവിഡ് സ്ഥിരീകരിച്ചത്. ഇതേത്തുടര്‍ന്നാണ് യെദ്യൂരപ്പ ക്വാറന്റീനില്‍ പോയത്.

യെദ്യൂരപ്പയുടെ ആരോഗ്യം തൃപ്തികരമാണെങ്കിലും സ്വയം നിരീക്ഷണത്തില്‍ പോകാന്‍ തീരുമാനിക്കുകയായിരുന്നു എന്ന് മുഖ്യമന്ത്രിയുടെ പൊളിറ്റിക്കല്‍ സെക്രട്ടറി രേണുകാചാര്യ എം.പി അറിയിച്ചു.

കുമാര പാര്‍ക്ക് റോഡിലെ ഔദ്യോഗിക വസതിയായ കാവേരിയിലാണ് മുഖ്യമന്ത്രി ക്വാറന്റീനില്‍ കഴിയുന്നത്. ഔദ്യോഗിക പരിപാടികളെല്ലാം യെദ്യൂരപ്പ റദ്ദാക്കിയിട്ടുണ്ട്.


 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.