2022 August 16 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

ആമസോണ്‍ മഴക്കാടുകളുടെ ‘സംരക്ഷകനെ’ അനധികൃത മരംവെട്ടുകാര്‍ വെടിവച്ചു കൊന്നു

 

ആമസോണ്‍: ബ്രസീലിലെ മഴക്കാടുകള്‍ക്കു വേണ്ടി പ്രവര്‍ത്തിച്ചിരുന്ന പൗലോ പുലിഞ്ഞോ ഗ്വാജാജാരയെ അനധികൃത മരംവെട്ടുകാര്‍ വെടിവച്ചു കൊന്നു. ആമസോണില്‍ വ്യാപകമായി മഴക്കാടുകള്‍ കത്തിക്കുന്നത് ചെറുക്കാന്‍ രൂപീകരിച്ച ഗാര്‍ഡിയന്‍സ് ഓഫ് ഫോറസ്റ്റ് എന്ന സംഘടനയിലെ അംഗം കൂടിയായിരുന്നു പൗലോ.

ബ്രസീലിലെ ഇരുപതിനായിരത്തോളം വരുന്ന പ്രാചീന ഗോത്ര വര്‍ഗത്തിന്റെ പ്രതിനിധിയായിരുന്നു അദ്ദേഹം. പൗലോ പുലിഞ്ഞോ നേതൃത്വം നല്‍കിയ ഗാര്‍ഡിയന്‍സ് ഓഫ് ഫോറസ്റ്റിന്റെ ചെറുത്തുനില്‍പ്പാണ് ആമസോണിലേക്ക് ലോകശ്രദ്ധ എത്തിച്ചത്.

ബ്രസീലിയന്‍ ഇന്‍ഡിജെനസ് പീപ്പിള്‍സ് അസോസിയേഷന്റെ റിപ്പോര്‍ട്ട് പ്രകാരം മരണ്‍ഹാവോയിലെ അരാരിബോയ എന്ന സ്ഥലത്ത് വച്ചാണ് പൗലീഞ്ഞോ കൊല്ലപ്പെട്ടത്. കൂടെയുണ്ടായിരുന്ന ലയേര്‍ഷിയോ ഗ്വാജജാര എന്ന ആദിവാസി യുവാവിനും വെടിയേറ്റിട്ടുണ്ട്. പൗലീഞ്ഞോയുടെ മരണത്തിന് ഉത്തരവാദി ആയവരെ കണ്ടെത്തുമെന്ന് ബ്രസീലിയന്‍ മന്ത്രി സെര്‍ജിയോ മോറോ പറഞ്ഞു. സര്‍ക്കാര്‍ തന്നെ മരം മുറിക്കുന്നതിനും മറ്റ് പ്രവര്‍ത്തികള്‍ക്കും കൂട്ട് നില്‍ക്കുന്ന സന്ദര്‍ഭത്തിലാണ് ആമസോണ്‍ കാടുകള്‍ സംരക്ഷിക്കാനായി പൗലോ പുലിഞ്ഞോ മുന്നിട്ട് ഇറങ്ങിയത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.