തമിഴ്‌നാട്ടില്‍ ബിഹാറുകാര്‍ അക്രമിക്കപ്പെടുന്നുവെന്ന വ്യാജ വീഡിയോ നിര്‍മിച്ചു; യൂട്യൂബര്‍ അറസ്റ്റില്‍
പട്‌ന: തമിഴ്‌നാട്ടില്‍ ബിഹാറുകാര്‍ ആക്രമിക്കപ്പെടുന്നുവെന്ന വ്യാജവീഡിയോ നിര്‍മ്മിച്ച യൂട്യൂബര്‍ മനീഷ് കശ്യപ് അറസ്റ്റില്‍. ബിഹാറിലെ സാമ്പത്തിക കുറ്റാന്വേഷണ വിഭാഗവും പൊലിസും ചേര്‍ന്നാണ് പ്രതിയെ പിടികൂടിയത്. കേസിലെ മൂന്നാമത്തെ അറസ്റ്റാണിത്.
തമിഴ്‌നാട്ടില്‍ ജോലി ചെയ്യുന്ന ബിഹാര്‍ നിവാസികളെ കുറിച്ച് തെറ്റായതും തെറ്റിദ്ധരിപ്പിക്കുന്നതുമായ വീഡിയോകള്‍ പ്രചരിപ്പിച്ചെന്നാണ് ഇയാള്‍ക്കെതിരെയുള്ള ആരോപണം.
തൊഴിലാളികള്‍ ചോരയൊലിപ്പിച്ച് നില്‍ക്കുന്ന വീഡിയോ ചിത്രീകരിച്ചത് പട്‌നയിലെ ജക്കന്‍പുരിലുള്ള ബംഗാളി കോളനിയില്‍ വച്ചാണെന്ന് മനീഷ് സമ്മതിച്ചു. അന്വേഷണത്തില്‍ ഇയാള്‍ക്കതിരെ സാമ്പത്തിക ക്രമക്കേടുകളും പൊലീസ് കണ്ടെത്തിയിട്ടുണ്ട്. ഇയാളുടെ ബാങ്ക് അക്കൗണ്ടുകള്‍ പൊലീസ് മരവിപ്പിച്ചിരുന്നു.
തമിഴ്‌നാട്ടില്‍ ബിഹാര്‍ സ്വദേശികളായ തൊഴിലാളികള്‍ക്ക് മര്‍ദ്ദനമേല്‍ക്കുന്നതിന്റെ 30 ഓളം വ്യാജ വീഡിയോകളാണ് പ്രചരിപ്പിച്ചത്.
ഇതേതുടര്‍ന്ന് ബിഹാറില്‍ വന്‍ പ്രതിഷേധങ്ങളാണ് ഉണ്ടായത്. തുടര്‍ന്ന് ബിഹാര്‍ സര്‍ക്കാര്‍ പ്രത്യേക സംഘത്തെ തമിഴ്‌നാട്ടില്‍ സന്ദര്‍ശനത്തിനായി അയക്കുകയും ചെയ്തിരുന്നു. വ്യാജ പ്രചാരണമാണെന്ന് തമിഴ്‌നാട് മുഖ്യമന്ത്രി സ്റ്റാലിനും വ്യക്തമാക്കിയിരുന്നു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Related News
Comments are closed for this post.
Latest News
- മഴക്ക് സാധ്യത; യു.എ.ഇയില് യെല്ലോ അലര്ട്ട്
- ‘അന്തിമവാദം മാത്രം ബാക്കി നില്ക്കേ മഅ്ദനി ബംഗളൂരുവില് തുടരേണ്ടതുണ്ടോ’ കര്ണാടക സര്ക്കാറിനോട് സുപ്രിം കോടതി
- ഉമ്മന് ചാണ്ടിയെ കല്ലെറിഞ്ഞ കേസ്: ദീപക്കിന് മൂന്നു വര്ഷം തടവ്, നസീറിനും ബിജുവിനും രണ്ടു വര്ഷം; വധശ്രമക്കുറ്റം നിലനില്ക്കില്ലെന്ന് കോടതി
- കറുപ്പണിഞ്ഞ് സര്പ്രൈസ് എന്ട്രിയുമായി തൃണമൂല് കോണ്ഗ്രസ്; സ്വാഗതം ചെയ്ത് കോണ്ഗ്രസ്; രാഹുല് ഗാന്ധിക്കായി ഒറ്റക്കെട്ടായി പ്രതിപക്ഷ പ്രതിഷേധം
- ഉമ്മന്ചാണ്ടി വധശ്രമക്കേസ്: സി.പി.എം മുന് നേതാവ് സി.ഒ.ടി നസീര് ഉള്പെടെ മൂന്നു പ്രതികള് കുറ്റക്കാര്
