2020 December 05 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ജിയോയുടെ വരവ്; എയര്‍ടെല്ലിന് ഭീമമായ നഷ്ടം

ന്യൂഡല്‍ഹി: ടെലികോം ഭീമന്‍ ഭാരതി എയര്‍ടെല്ലിന്റെ ഒക്ടോബര്‍- ഡിസംബര്‍ കാലയളവിലെ അറ്റാദായത്തില്‍ 54 ശതമാനം ഇടിവ്. റിലയന്‍സ് ജിയോയുടെ വരവാണ് എയര്‍ടെല്ലിനെ 503.7 കോടി രൂപയുടെ ഇടിവില്‍ എത്തിച്ചത്. കഴിഞ്ഞവര്‍ഷം ഇതേ കാലയളവില്‍ കമ്പനിയുടെ ലാഭം 1,108.1 കോടി രൂപയായിരുന്നു.

വരുമാനത്തിലും വലിയ തളര്‍ച്ച എയര്‍ടെല്‍ നേരിട്ടു. മൂന്നു ശതമാനം ഇടിവാണ് ഈ കാലയളവിലുണ്ടായത്. കഴിഞ്ഞവര്‍ഷത്തില്‍ 24,130.4 കോടിയായിരുന്നു വരുമാനമെങ്കില്‍ ഇപ്രാവശ്യമത് 23,363.9 കോടിയായി താഴ്ന്നു.

ജിയോയുടെ വരവാണ് തങ്ങളെ തകര്‍ച്ചയിലാക്കിയതെന്ന് കമ്പനി സ്ഥിരീകരിച്ചു. ഒരു പുതിയ ഓപ്പറേറ്ററുടെ കൂടെക്കൂടെയുള്ള വില നിര്‍ണയമാണ് തങ്ങളുടെ വരുമാനത്തെ പ്രക്ഷുഭ്ധമാക്കിയതെന്ന് ഭാരതി എയര്‍ടെല്‍ എം.ഡി, സി.ഇ.ഒ ആയ ഗോപാല്‍ വിട്ടല്‍ പറഞ്ഞു.

കഴിഞ്ഞ സെപ്തംബര്‍ മുതലാണ് ജിയോ സൗജന്യ 4ജി സേവനവുമായി രംഗത്തെത്തിയത്. ഈ ഓഫര്‍ മാര്‍ച്ച് വരെ നീട്ടുകയും ചെയ്തു. ഇതോടെ മറ്റു കമ്പനികള്‍ പിടിച്ചുനില്‍ക്കാന്‍ പറ്റാത്ത രീതിയിലാവുകയും വമ്പന്‍ ഓഫറുകള്‍ പ്രഖ്യാപിക്കുകയും ചെയ്തിരുന്നു.


 

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.