2023 June 03 Saturday
പോരാട്ടങ്ങളും യാതനകളും മനുഷ്യനെ പൂര്‍ണതയിലെത്തിക്കുന്നു. ഇന്ദിരാഗാന്ധി

സൂപ്പര്‍കപ്പ്: കലിപ്പ് തീര്‍ക്കുമോ ബ്ലാസ്‌റ്റേഴ്‌സ്; വീണ്ടും ബ്ലാസ്റ്റേഴ്‌സ്- ബംഗളൂരു പോരാട്ടം

കോഴിക്കോട്: ഹീറോ സൂപ്പര്‍ കപ്പിന്റെ മൂന്നാം എഡിഷനില്‍ കേരള ബ്ലാസ്റ്റേഴ്‌സ് എഫ് സിയും, ബെംഗളൂരു എഫ് സിയും ഒരേ ഗ്രൂപ്പില്‍. ഇന്ന് മത്സരങ്ങളുടെ മത്സരക്രമം ഔദ്യോഗികമായി പുറത്ത് വന്നു. ഇതോടെ ഇന്ത്യയിലെ ഫുട്‌ബോള്‍ പ്രേമികള്‍ മുഴുവന്‍ വലിയ ആകാംക്ഷയോടെ കാത്തിരിക്കുന്ന കേരള ബ്ലാസ്റ്റേഴ്‌സ്- ബംഗളൂരു എഫ് സി പോരാട്ടം ഒരിക്കല്‍ക്കൂടി ഈ സീസണില്‍ നടക്കുന്നത് ആരാധകര്‍ക്ക് കാണാം. എന്നാല്‍ ഈ മത്സരത്തിന്റെ വേദി കൊച്ചിയല്ല എന്നതാണ് ബ്ലാസ്റ്റേഴ്‌സ് ആരാധകര്‍ക്ക് നിരാശ സമ്മാനിക്കുന്നത്.

ഏപ്രില്‍ മൂന്നിന് കോഴിക്കോട്, മഞ്ചേരി എന്നിവിടങ്ങളിലായാണ് ഹീറോ സൂപ്പര്‍ കപ്പ് ആരംഭിക്കുന്നത്. ഇന്ത്യന്‍ സൂപ്പര്‍ ലീഗിലെ 11 ടീമുകളും, ഐ ലീഗിലെ 10 ടീമുകളും ഉള്‍പ്പെടെ മൊത്തം 21 ടീമുകളാണ് ടൂര്‍ണമെന്റില്‍ പങ്കെടുക്കുക. ഏപ്രില്‍ മൂന്നാം തീയതി ഐ ലീഗിലെ 10 ടീമുകളുടെ നോക്കൗട്ട് മത്സരങ്ങളോടെ കോഴിക്കോട് ഇ എം എസ് സ്റ്റേഡിയത്തിലാകും ടൂര്‍ണമെന്റ് ആരംഭിക്കുക.

നോക്കൗട്ട് ഘട്ടത്തിലെ അഞ്ച് വിജയികളെ ഉള്‍പ്പെടുത്തി ഏപ്രില്‍ എട്ടിന് 16 ടീമുകളുടെ ഗ്രൂപ്പുകളായി മഞ്ചേരി, കോഴിക്കോട് എന്നിവിടങ്ങളില്‍ ഏപ്രില്‍ 8 മുതല്‍ മത്സരങ്ങള്‍ തുടങ്ങും.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.