2022 January 26 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ബഹ്‌റൈന്‍ കിരീടാവകാശിയും ട്രംപും ചര്‍ച്ച നടത്തി; എഫ് 16 വിമാനക്കരാറില്‍ ഒപ്പുവച്ചു

മനാമ: ബഹ്‌റൈന്‍ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫയും അമേരിക്കന്‍ പ്രസിഡന്റ് ഡൊണാള്‍ഡ് ട്രംപും വൈറ്റ് ഹൗസില്‍ കൂടിക്കാഴ്ച നടത്തി. തുടര്‍ന്ന് ഇരുവരും മാധ്യമങ്ങളെ കണ്ടു. കൂടിക്കാഴ്ചയ്ക്കു ശേഷം ബഹ്‌റൈന് എഫ്16 ഇനത്തില്‍ പെട്ട പോര്‍ വിമാനങ്ങള്‍ ലഭ്യമാക്കാനുള്ള കരാറില്‍ ഇരു രാഷ്ട്രങ്ങളും ഒപ്പുവച്ചു. ഇത് ബഹ്‌റൈന്‍ പ്രതിരോധ സേനയെ കൂടുതല്‍ കരുത്തുറ്റതാക്കുമെന്നാണ് പ്രതീക്ഷിക്കുന്നത്.

ബഹ്‌റൈന്‍ അമേരിക്ക സൗഹൃദം ദീര്‍ഘനാളത്തെ പാരമ്പര്യമുള്ളതാണെന്നും പരസ്പര വിശ്വാസത്തിലും മൂല്യങ്ങളിലും ഊന്നിയാണ് നിലനില്‍ക്കുന്നതെന്നും ബഹ്‌റൈന്‍ അമേരിക്കയുടെ പ്രിയ സുഹൃത്താണെന്നും ട്രംപ് വ്യക്തമാക്കി.

യു.എസുമായുള്ള പ്രതിരോധ സഹകരണം അചഞ്ചലമായി തുടരുമെന്ന് ബഹ്‌റൈന്‍ കിരീകാവകാശിയും പ്രതികരിച്ചു. പ്രതിരോധ രംഗത്തെ സഹകരണം തുടരാനുള്ള കാരാറില്‍ ഒപ്പുവെച്ചത് ഇരുരാജ്യങ്ങളുടെയും ഉഭയകക്ഷി ബന്ധത്തില്‍ പുതിയ ഘട്ടമായി മാറും. ട്രംപിന്റെ സഊദി സന്ദര്‍ശനം മേഖലയിലെയും അന്താരാഷ്ട്ര തലത്തിലെയും സുരക്ഷയില്‍ അമേരിക്കയുടെ പ്രതിബദ്ധത പ്രകടമാക്കുന്നതായിരുന്നെന്ന് കിരീടാവകാശി അഭിപ്രായപ്പെട്ടു.

ഇറാന്റെ പ്രവര്‍ത്തനങ്ങള്‍ കൃത്യമായി വിലയിരുത്തി നിലപാടെടുക്കുന്ന ട്രംപിന്റെ നയം സ്വാഗതാര്‍ഹമാണെന്നും അദ്ദേഹം പറഞ്ഞു. ഭീകരതയും തീവ്രവാദവും ചെറുക്കാനുള്ള പദ്ധതികളാണ് ഇരുവരും ചര്‍ച്ച ചെയതതെന്ന് വാര്‍ത്താ ഏജന്‍സി റിപ്പോര്‍ട്ടു ചെയ്തു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.