2021 March 02 Tuesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സ്ഥാനമൊഴിയും മുന്‍പ്‌ ബഹ്റൈന്‍ രാജാവിന് പ്രത്യേക ബഹുമതിയുമായി ഡോണൾഡ് ട്രംപ്

ഉബൈദുല്ല റഹ്മാനി

മനാമ: ബഹ്റൈന്‍ രാജാവ് ഹമദ് ബിൻ ഈസ ആൽ ഖലീഫക്ക് യു.എസ് പ്രസിഡൻറ് ഡോണൾഡ് ട്രംപി‍െൻറ പ്രത്യേക ബഹുമതി ലഭിച്ചു. ചീഫ് കമാൻഡർ പദവിയുള്ള പ്രത്യേക ബഹുമതിയാണ് ലഭിച്ചതെന്ന് പ്രാദേശിക പത്രം റിപ്പോര്‍ട്ട് ചെയ്തു.

ഇരുരാജ്യങ്ങളും തമ്മിലെ ബന്ധം ശക്തമാക്കാനും സഹകരണം വ്യാപിപ്പിക്കാനും നടത്തിയ ശ്രമങ്ങളെ മാനിച്ചാണ് പദവി. അമേരിക്കയുമായി പ്രത്യേക ബന്ധവും സഹകരണവും പുലർത്താൻ ബഹ്റൈന് സാധ്യമായതിൽ ഹമദ് രാജാവി‍െൻറ പങ്ക് ശ്രദ്ധേയമാണെന്ന് ഡോണൾഡ് ട്രംപ് വ്യക്തമാക്കി. അമേരിക്കൻ അഞ്ചാം കപ്പൽപടക്ക് നൽകിക്കൊണ്ടിരിക്കുന്ന പിന്തുണയും സഹായവും നയതന്ത്ര ബന്ധത്തിലെ വളർച്ചയും കരുത്ത് പകരുന്നതായിരുന്നുവെന്നും അദ്ദേഹം പറഞ്ഞു.

സാമ്പത്തിക, വ്യാപാര, സുരക്ഷ മേഖലകളിൽ പരസ്‌പര സഹകരണം മെച്ചപ്പെടുത്താൻ സാധിച്ചതായും വിലയിരുത്തി. മേഖലയിൽ സമാധാനം ശക്തമാക്കുന്നതിന് ക്രിയാത്മക നടപടികൾ സ്വീകരിക്കാനും ഹമദ് രാജാവിന് സാധിച്ചതായി ട്രംപ് ചൂണ്ടിക്കാട്ടി. യു.എസുമായി സഹകരിക്കുന്ന രാഷ്ട്രങ്ങളിലെ നേതാക്കൾക്കാണ് പ്രസ്‌തുത പുരസ്‌കാരം നൽകാറുള്ളത്. സമാധാനത്തോടുള്ള ഹമദ് രാജാവിെൻറ കാഴ്ചപ്പാടുകളും പ്രായോഗിക പ്രവർത്തനങ്ങളും തന്നെ ഏറെ ആകർഷിച്ചെന്നും ട്രംപ് വ്യക്തമാക്കിയതായി റിപ്പോര്‍ട്ടിലുണ്ട്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.