2020 October 01 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ആന്റണി സര്‍ക്കാര്‍ 2003ല്‍ ബ്രൂവറിക്ക് അനുമതി നല്‍കിയിരുന്നു; ചെന്നിത്തല മറുപടി പറയണമെന്ന് എക്‌സൈസ് മന്ത്രി

തിരുവനന്തപുരം: 2003ല്‍ ബ്രൂവറിക്ക് അനുമതി നല്‍കിയ യു.ഡി.എഫ് സര്‍ക്കാരിന്റെ പ്രവൃത്തിക്ക് പ്രതിപക്ഷ നേതാവ് രമേശ് ചെന്നിത്തല മറുപടി പറയണമെന്ന് എക്‌സൈസ് മന്ത്രി ടി.പി രാമകൃഷ്ണന്‍. 2003ല്‍ എ.കെ ആന്റണി മുഖ്യമന്ത്രിയായിരിക്കുന്ന സമയത്ത് ബ്രൂവറിക്ക് അനുമതി നല്‍കിയിരുന്നു. ഇതിനാണ് ചെന്നിത്തല മറുപടി പറയണമെന്ന് മന്ത്രി ആവശ്യപ്പെടുന്നത്. 1999ന് ശേഷം ബ്രൂവറികളും ഡിസ്റ്റിലറികളും അനുവദിച്ചിട്ടില്ലെന്നായിരുന്നു ചെന്നിത്തല പറഞ്ഞിരുന്നത്.

എല്‍.ഡി.എഫ് സര്‍ക്കാര്‍ ബ്രൂവറി അനുവദിച്ചതില്‍ അഴിമതി നടന്നിട്ടുണ്ടെന്ന് ആരോപിച്ച് കഴിഞ്ഞ ദിവസമാണ് രമേശ് ചെന്നിത്തല രംഗത്തെത്തിയത്. കൂടാതെ കിന്‍ഫ്ര ബ്രൂവറിക്കായി ഭൂമി നല്‍കിയെന്നും രമേശ് ചെന്നിത്തല പറഞ്ഞിരുന്നു. ഇതിനു പിന്നാലെയാണ് യു.ഡി.എഫ് സര്‍ക്കാരും ബ്രൂവറി അനുവദിച്ചിട്ടുണ്ടെന്ന വാര്‍ത്തകള്‍ പുറത്തുവരുന്നത്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.