2022 October 07 Friday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

അമേരിക്കന്‍ എയര്‍ലൈന്‍സില്‍ ഓരോ ഇരിപ്പിടങ്ങള്‍ക്കും പ്രത്യേക വാതിലുകള്‍ വരുന്നു

ന്യൂയോര്‍ക്ക്: 2024ല്‍ അമേരിക്കന്‍ എയര്‍ലൈന്‍സ് വിമാനങ്ങളില്‍ പ്രീമിയം സ്യൂട്ടുകളിലെ ഓരോ ഇരിപ്പിടങ്ങള്‍ക്കും പ്രത്യേക വാതിലുകള്‍ വരുന്നു. കൊവിഡ്-19 വ്യാപനത്തിന്റെ പശ്ചാത്തലത്തിലാണ് ബിസിനസ് ക്ലാസ് യാത്രക്കാര്‍ക്കു വേണ്ടി പ്രത്യേക ഡോര്‍ ക്യാബിന്‍ സ്ഥാപിക്കുന്നതിനെ കുറിച്ച് കമ്പനി ആലോചിക്കുന്നത്.

കൂടുതല്‍ ദൂരത്തേക്ക് പറക്കുന്ന വിമാനങ്ങളിലാണ് ഈ സംവിധാനമൊരുക്കുന്നത്. തിരഞ്ഞെടുക്കപ്പെട്ട അന്താരാഷ്ട്ര സര്‍വീസുകളിലും ദൈര്‍ഘ്യമേറിയ ആഭ്യന്തര സര്‍വീസുകളിലും ആദ്യഘട്ടത്തില്‍ ഈ സേവനങ്ങള്‍ ലഭ്യമാവും.

 

സമ്പൂര്‍ണ വിശ്രമം ഉറപ്പാക്കുന്ന ലൈ-ഫഌറ്റ് സീറ്റുകളും സ്വകാര്യതയ്ക്കായി സ്ലൈഡിങ് ഡോറുകളുമുണ്ടാവും. ആരോഗ്യ സുരക്ഷയ്ക്കും സ്വകാര്യതയ്ക്കും പ്രാമുഖ്യം നല്‍കുന്ന യാത്രക്കാരെ ആകര്‍ഷിക്കാനാണ് പ്രത്യേക കാബിനുകള്‍. യു.എസിലെ ഏറ്റവും വലിയ വിമാനകമ്പനിയാണ് അമേരിക്കന്‍ എയര്‍ലൈന്‍സ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.