2022 December 01 Thursday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

ക്രൈസ്റ്റ്ചര്‍ച്ച് ഭീകരന്‍ ധരിച്ച നവ- നാസി ഉല്‍പന്നങ്ങളുടെ വില്‍പ്പന നിര്‍ത്തി ഗൂഗിളും ആമസോണും വിഷും

 

വാഷിങ്ടണ്‍: വംശീയതയ്ക്കായി ഉപയോഗിക്കുന്ന ഉല്‍പ്പന്നങ്ങള്‍ വില്‍ക്കുന്നത് നിരോധിച്ച് ഗൂഗിളും ആമസോണും വിഷും. വൈറ്റ് അനുകൂല, നവ- നാസി ഉല്‍പന്നങ്ങളാണ് കാര്‍ട്ടുകളില്‍ നിന്ന് ഒഴിവാക്കിയത്.

സെല്‍റ്റിക് ക്രോസ് ചിഹ്നം ഇട്ടുകൊണ്ടുള്ള വൈറ്റ്-സുപ്രീമസിസ്റ്റിന്റെ പതാക ആമസോണിന്റെ കാര്‍ട്ടില്‍ ഉണ്ടായിരുന്നു. ഇത്തരത്തിലുള്ള ഉല്‍പന്നങ്ങളുടെ ഓണ്‍ലൈന്‍ വില്‍പ്പനയ്‌ക്കെതിരെ വെറുപ്പ് വിരുദ്ധ സംഘടനയായ ആന്റി ഡിഫമേഷന്‍ ലീഗ് (എ.ഡി.എല്‍) ആണ് രംഗത്തെത്തിയത്.

നിരവധി പേര്‍ ഉല്‍പന്നങ്ങള്‍ക്കു കീഴില്‍ റിവ്യു കമന്റിടുകയും ചെയ്തിരുന്നു. ഇത് നവ- നാസി പതാകയാണെന്നും ആമസോണ്‍ ഇതിലൂടെ ലാഭമെടുക്കരുതെന്നുമാണ് പലരും കമന്റ് ചെയ്തത്.

കൂടാതെ, ഈ പതാകയ്‌ക്കൊപ്പം ഒന്നിച്ചു വാങ്ങാവുന്ന മറ്റൊരു പതാകയും ആമസോണ്‍ ആളുകള്‍ക്ക് നിര്‍ദേശിച്ചിരുന്നു. രണ്ടും ഒന്നിച്ചു വാങ്ങാനുള്ള അല്‍ഗറിഥവും ആമസോണിലുണ്ടായിരുന്നു.

ഈ രണ്ട് പതാകയും 2019 ല്‍ ക്രൈസ്റ്റ്ചര്‍ച്ചിലെ പള്ളിയില്‍ 51 പേരെ വെടിവച്ചു കൊന്ന ഭീകരന്‍ ധരിച്ചിരുന്നു.

ക്രെസ്റ്റ്ചര്‍ച്ച് പള്ളി ആക്രമിച്ച ഭീകരന്‍ ധരിച്ച നിലയില്‍ കണ്ടെത്തിയ ചിഹ്നങ്ങള്‍

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.