2024 February 25 Sunday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

അല്‍ ഷിഫ ആശുപത്രി ഡയറക്ടറെ അറസ്റ്റ് ചെയ്ത് ഇസ്‌റാഈല്‍

അല്‍ ഷിഫ ആശുപത്രി ഡയരക്ടറെ അറസ്റ്റ് ചെയ്ത് ഇസ്‌റാഈല്‍

ഗസ്സസിറ്റി: ഗസ്സയിലെ അല്‍ഷിഫ ആശുപത്രി ഡയരക്ടറെ അറസ്റ്റ് ചെയ്ത് ഇസ്‌റാഈല്‍. ഡോ. മുഹമ്മദ് അബു സല്‍മിയയും മറ്റു നിരവധി മുതിര്‍ന്ന ഡോക്ടര്‍മാരും അറസ്റ്റ് ചെയ്യപ്പെട്ടിരിക്കുകയാണ്- ആശുപത്രയിലെ ഡിപാര്‍ട്‌മെന്റ് ചീഫ് ഖാലിദ് അബു സമ്ര എ.എഫ്.പിയോട് പറഞ്ഞതായി അല്‍ ജസീറ റിപ്പോര്‍ട്ട് ചെയ്യുന്നു. ഇസ്‌റാഈലി ബ്രോഡ് കാസ്റ്റിങ് അതോറിറ്റിയും അറസ്റ്റ് സ്ഥിരീകരിച്ചിട്ടുണ്ട്.

അല്‍ഷിഫ ആശുപത്രിയെ ഹമാസ് താവളമായി ഉപയോഗിക്കുന്നുവെന്ന് പറഞ്ഞാണ് ഇസ്‌റാഈലിന്റെ വിളയാട്ടം. ഇസ്‌റാഈല്‍ ആശുപത്രി ഉപരോധിക്കുന്നതിന്റേയും പരിശോധനയെന്ന പേരില്‍ നടത്തുന്ന ക്രൂരതയുടേയും ദൃശ്യങ്ങള്‍ കഴിഞ്ഞ ദിവസങ്ങളില്‍ പുറത്തു വന്നിരുന്നു. ആരോപണത്തിന് യാതൊരു തെളിവുമില്ലാതെയാണ് സയണിസ്റ്റുകള്‍ ഇവിടെ അതിക്രൂരമായ നീക്കങ്ങള്‍ നടത്തുന്നത്. ആയിരക്കണക്കായ രോഗികളേയും അഭയം പ്രാപിച്ചവരേയും പുറത്തിറങ്ങാന്‍ അനുവദിക്കാതെ അവിടെ തടവിലാക്കി. പുറത്തിറങ്ങാന്‍ ശ3മിക്കുന്നവരെ വെടിവെച്ചിട്ടു. ഇന്‍ക്യുബേറ്ററില്‍ കഴിയുന്ന പിഞ്ചു കുഞ്ഞുങ്ങള്‍ ഉള്‍പെട് നിരവധി കുഞ്ഞുങ്ങള്‍ ഇവിടെ പിടഞ്ഞു മരിച്ചു. മൃതദേഹങ്ങള്‍ മറമാടാന്‍ പോലും അനുവദിക്കാത്തതായിരുന്നു സയണിസ്റ്റ് ക്രൂരത.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.