2020 October 24 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

കവി അക്കിത്തിന്‍റെ നിര്യാണത്തില്‍ പ്രവാസലോകത്തും അനുശോചനം

സി.എഛ്.ആര്‍ കൊമ്പംകല്ല്‌

മനാമ: കഴിഞ്ഞ ദിവസം അന്തരിച്ച പ്രമുഖ കവി അക്കിത്തം അച്യുതൻ നമ്പൂതിരിയുടെ നിര്യാണത്തിൽ ബഹ്റൈനിലെ വിവിധ പ്രവാസി സംഘടനകള്‍ അനുശോചനമറിയിച്ചു.

ബഹ്റൈന്‍ കെ.എം.സി.സി
മഹാകവി അക്കിത്തത്തിെൻറ വിയോഗത്തില്‍ കെ.എം.സി.സി ബഹ്‌റൈന്‍ സംസ്ഥാന കമ്മിറ്റി അനുശോചിച്ചു. മലയാള സഹിത്യരംഗത്ത് നിരവധി സംഭാവനകള്‍ നല്‍കിയ അതുല്ല്യപ്രതിഭയുടെ വിയോഗം ഭാഷാകേരളത്തിന്റെ തീരാനഷ്ടമാണെന്നും മലയാള കവിതയെ ഉയരങ്ങളിലെത്തിച്ച വ്യക്തിയായിരുന്നു അദ്ദേഹമെന്നും കെ.എം.സി.സി സംസ്ഥാന നേതാക്കള്‍ പറഞ്ഞു.

മനുഷ്യ മനസുകളിലെ സ്‌നേഹദര്‍ശനം തന്റെ കവിതകളിലൂടെ സമൂഹത്തിലേക്കെത്തിച്ച അക്കിത്തം മലയാള കവിതാരംഗത്ത് തന്റേതായ കാഴ്ചപ്പാടുകളിലൂടെയും ശൈലികളിലൂടെയും ശ്രദ്ധേയമായിരുന്നു. കേരളത്തിന്റെ പ്രിയകവിയുടെ വിയോഗത്തില്‍ അദ്ദേഹത്തിന്റെ കുടുംബത്തിന്റെ ദു:ഖത്തില്‍ പങ്കുചേരുന്നതായും മലയാള കവിതാരംഗത്ത് അദ്ദേഹത്തിന്റെ ശേഷിപ്പുകള്‍ എല്ലാകാലത്തും ശ്രദ്ധിക്കപ്പെടുമെന്നും കെ.എം.സി.സി ബഹ്‌റൈന്‍ അനുശോചനക്കുറിപ്പില്‍ പറഞ്ഞു.

ബഹ്‌റൈൻ കേരളീയ സമാജം
മാനവികതയുടെയും കാരുണ്യത്തിെൻറയും വിശ്വകാവ്യങ്ങളെഴുതിയ മഹാകവി അക്കിത്തത്തിെൻറ വിയോഗം കേരള സാഹിത്യ- സാംസ്കാരിക രംഗത്തിന് തീരാനഷ്ടമാണെന്ന് ബഹ്‌റൈൻ കേരളീയ സമാജം പ്രസിഡൻറ് പി.വി രാധാകൃഷ്ണപിള്ള അഭിപ്രായപ്പെട്ടു. 20ാം നൂറ്റാണ്ടിെൻറ ഇതിഹാസകവിയായ അക്കിത്തത്തിെൻറ സംഭാവനകൾ മലയാള സാഹിത്യത്തിെൻറ ചരിത്രത്തിലെ നാഴികക്കല്ലുകൾ കൂടിയാണ് എന്നും അദ്ദേഹം പറഞ്ഞു.

പാരമ്പര്യത്തിനും ആധുനികതക്കും ഇടക്ക് തനത് ഇടം കണ്ടെത്തിയ സാഹിത്യകാരനായിരുന്നു അക്കിത്തമെന്ന് സമാജം സെക്രട്ടറി വർഗീസ് കാരക്കൽ അനുസ്മരിച്ചു. ജ്ഞാനപീഠ പുരസ്കാരജേതാവ് കൂടിയായ അക്കിത്തത്തിെൻറ നിര്യാണത്തിൽ അനുശോചനം രേഖപ്പെടുത്തുന്നതായി ബഹ്‌റൈൻ കേരളീയ സമാജം എക്‌സിക്യൂട്ടിവ് കമ്മിറ്റി വാർത്തക്കുറിപ്പിൽ അറിയിച്ചു.

വീ കെയർ ഫൗണ്ടേഷൻ
അക്കിത്തത്തിെൻറ നിര്യാണത്തിൽ വീ കെയർ ഫൗണ്ടേഷൻ ബഹ്‌റൈൻ എക്സിക്യൂട്ടിവ് കമ്മിറ്റി അനുശോചിച്ചു. പ്രതിഭാധനനായ ഒരു സാഹിത്യകാരനെയും അതിലുപരി ഒരു മനുഷ്യസ്നേഹിയെയുമാണ് അദ്ദേഹത്തിെൻറ നിര്യാണത്തിലൂടെ നഷ്ടമായിരിക്കുന്നത്. തെൻറ കൃതികളിലൂടെ സാധാരണക്കാരെൻറ പ്രശ്നങ്ങളെ കേരളത്തിെൻറ സാമൂഹിക മണ്ഡലത്തിൽ അതിശക്തമായി അവതരിപ്പിച്ചുകൊണ്ട് മാനവരാശിയുടെ ഉന്നമനത്തിനായി അദ്ദേഹം പ്രയത്നിച്ചുവെന്നും അനുശോചന സന്ദേശത്തിൽ പറഞ്ഞു.

വിവിധ കൂട്ടായ്മകള്‍ക്കു പുറമെ ബഹ്റൈനിലെ പ്രമുഖ വ്യക്തികളും അനുശോചമറിയിച്ചിട്ടുണ്ട്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.