2023 January 27 Friday
ശരീരത്തിനു വ്യായാമം പോലെതന്നെയാകുന്നു മനസ്സിന് വായന. -റിച്ചാർഡ് സ്റ്റീൽ

കളികഴിഞ്ഞയുടൻ ഓടിയെത്തി ഉമ്മയ്ക്ക് ഉമ്മ കൊടുത്ത് മൊറോക്കൊയുടെ ഹകീമി; ചിത്രം വൈറൽ

 

ദോഹ: ഇന്നലെ രാത്രി നടന്ന മത്സരത്തിൽ ലോക റാങ്കിങിൽ രണ്ടാംസ്ഥാനത്തുള്ള ബെൽജിയത്തിനെതിരേ തകർപ്പൻ ജയം നേടിയ മൊറോക്കൊയുടെ കളി അവസാനിച്ചതിന് പിന്നാലെ സ്റ്റേഡിയത്തിലെ വൈകാരിക നിമിഷം സമൂഹമാധ്യമത്തിൽ വൈറൽ. കളി കഴിഞ്ഞയുടൻ ഓടിയെത്തിയ മൊറോക്കൊ താരം അഷ്‌റഫ് ഹകീമി തന്റെ മാതാവിന് ഉമ്മ കൊടുക്കുന്ന ദൃശ്യങ്ങൾ സമൂഹമാധ്യമങ്ങൾ ഏറ്റെടുത്തു കഴിഞ്ഞു. മാതാവിന്റെ അടുത്തെത്തിയ ഹകീമിയുടെ ഷർട്ട് ഊരിക്കൊടുക്കുന്നതും പിന്നീട് താരത്തെ ആശ്ലേഷിക്കുന്നതും ഉമ്മവയ്ക്കുന്നതുമാണ് വിഡിയോയിലുള്ളത്. 24 കാരനായ ഹകീമി ഫ്രഞ്ച് വമ്പൻമാരായ പി.എസ്.ജിയുടെ പ്രതിരോധഭടനാണ്.

ഇന്നലെ നടന്ന മത്സരത്തിൽ എതിരില്ലാത്ത രണ്ടുഗോളുകൾക്കാണ് മൊറോക്കൊ വിജയിച്ചത്. പകരക്കാരായി ഗ്രൗണ്ടിലിറങ്ങിയ അബ്ദുൽ ഹമീദ് സാബിരിയും സകരിയ്യ അബൂഖ്‌ലാലുമാണ് മൊറോക്കോക്ക് വേണ്ടി ഗോളടിച്ചത്. ആദ്യ മത്സരത്തിൽ കഴിഞ്ഞ ലോകകപ്പിലെ റണ്ണറപ്പുകളായ ക്രൊയേഷ്യയെ സമനിലയിൽ തളച്ചിരുന്നു. ഒരുജയവും സമനിലയുമായി രണ്ടാംറൗണ്ട് സാധ്യത മൊറോക്കൊ സജീവമാക്കിയിട്ടുണ്ട്.

Video of Heartwarming Moment Achraf Hakimi Celebrated Morocco’s Victory Over Belgium With His Mum Spotted 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.