കായംകുളം: സ്‌കൂട്ടറില്‍ സഞ്ചരിക്കുന്നതിനിടെ കേബിള്‍ കുരുങ്ങി മരിച്ചു. കരുനാഗപ്പള്ളി ആദിനാട് സ്വദേശി ഉഷയാണ് മരിച്ചത്. ഇന്ന് രാത്രി 10.20നായിരുന്നു അപകടം. എരുവ ക്ഷേത്രത്തിലെ ഉത്സവം കാണാന്‍ എത്തിയ ശേഷം തിരിച്ചു വീട്ടിലേക്ക് പോകുന്ന വഴി ഇടശ്ശേരി ജങ്ഷന്‍ കിഴക്ക് വശം വെച്ചായിരുന്നു അപകടം. റോഡില്‍ കിടന്ന കേബിള്‍ ദേഹത്ത് കുരുങ്ങുകയായിരുന്നു. ഉടന്‍ തന്നെ നാട്ടുകാര്‍ കായംകുളം ഗവ.ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം കായംകുളം ഗവ.ആശുപത്രി മോര്‍ച്ചറിയില്‍.