ദുബൈ: ദുബൈയില്‍ കഴിഞ്ഞ ദിവസമുണ്ടായ വാഹനാപകടത്തില്‍ രണ്ടു മലയാളികള്‍ മരിച്ചു. കോഴിക്കോട് കൊയിലാണ്ടി സ്വദേശി വനിക പീടികയില്‍ ലത്തീഫ് (46), തലശേരി അരയിലകത്തു പുതിയപുര മുഹമ്മദ് അര്‍ഷാദ് (54) എന്നിവരാണ് മരിച്ചത്. ദുബൈ എമിറേറ്റ്സ് റോഡില്‍ ഇവര്‍ സഞ്ചരിച്ച പിക്കപ് വാനില്‍ ട്രെയ്‌ലര്‍ വന്നിടിച്ചാണ് അപകടമുണ്ടായത്.കഴിഞ്ഞ ദിവസം ഉച്ചയോടെയാണ് അപകടം ഉണ്ടായത്. രണ്ടുപേരും സംഭവസ്ഥലത്ത് തന്നെ മരിച്ചു.