കല്‍പ്പറ്റ: താമരശ്ശേരി ചുരത്തില്‍ ബൈക്കിന് മുകളിലേക്ക് പാറ വീണ് പരുക്കേറ്റ യാത്രക്കാരന്‍ മരിച്ചു. വണ്ടൂര്‍ സ്വദേശി അഭിനവ് ആണ് മരിച്ചത്. അഭിനവിന്റെ കൂടെയുണ്ടായിരുന്ന സുഹൃത്ത് അനീഷ് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലാണ്.
താമരശ്ശേരി ചുരത്തിലെ ആറാം വളവില്‍ ഇന്നുച്ചക്കായിരുന്നു അപകടം. ഇവര്‍ ആറാം വളവിലെത്തിയപ്പോള്‍ അഭിനവ് സഞ്ചരിച്ച ബൈക്കിന് മുകളിലേക്ക് പാറക്കല്ല് ഉരുണ്ടുവീഴുകയായിരുന്നു. അഭിനവിനെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചുവെങ്കിലും ആശുപത്രിയില്‍ വെച്ച് അഭിനവ് മരിക്കുകയായിരുന്നു.