2021 October 27 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ന്യൂയോര്‍ക്ക് കോര്‍ണല്‍ യൂനിവേഴ്‌സിറ്റി ക്ലാര്‍മാന്‍ ഫെലോഷിപ്പുകള്‍ക്ക് അപേക്ഷ ക്ഷണിച്ചു

 
ന്യൂയോര്‍ക്ക് കോര്‍ണല്‍ യൂനിവേഴ്‌സിറ്റിയിലെ കോളജ് ഓഫ് ആര്‍ട്‌സ് ആന്‍ഡ് സയന്‍സസ് ക്ലാര്‍മാന്‍ ഫെലോഷിപ്പുകള്‍ക്ക് അപേക്ഷ ക്ഷണിച്ചു. മികച്ച അഭിരുചിയും പ്രവര്‍ത്തനശൈലിയും കാഴ്ചവയ്ക്കുന്ന യുവസ്‌കോളര്‍മാര്‍ക്ക് അപേക്ഷിക്കാം.
കോളജ് ഓഫ് ആര്‍ട്‌സ് ആന്‍ഡ് സയന്‍സസില്‍ ലഭ്യമായ ഏതു വിഷയത്തിലും ആകാം ഗവേഷണം. നാചുറല്‍, ക്വാണ്ടിറ്റേറ്റീവ്, സോഷ്യല്‍ സയന്‍സസ്, ഹ്യുമാനിസ്റ്റിക് ഇന്‍ക്വയറി, ക്രിയേറ്റീവ് ആര്‍ട്‌സ് തുടങ്ങിയ ഇവയില്‍ ഉള്‍പ്പെടും. പരമ്പരാഗത വിഷയ അതിരുകള്‍ക്കപ്പുറത്തേക്കു കടന്നുചെല്ലുന്ന, ഉയര്‍ന്നുവരുന്ന വിഷയങ്ങളിലും ഗവേഷണം നടത്താം.
 
സ്‌കോളറുടെ താല്‍പര്യപ്രകാരം 2022 ജൂലൈ ഒന്നിനും സെപ്റ്റംബര്‍ ഒന്നിനും ഇടയില്‍ തുടങ്ങാവുന്ന ഫെലോഷിപ്പില്‍ വാര്‍ഷിക സ്‌റ്റൈപ്പെന്‍ഡായി 75,000 യു.എസ്. ഡോളറാണ് (ഏകദേശം 55 ലക്ഷം രൂപ) അനുവദിക്കുക. 
വാര്‍ഷിക ഗവേഷണ ഫണ്ടായി 12,000 യു.എസ്. ഡോളറും (ഏകദേശം 8.86 ലക്ഷം രൂപ) നല്‍കും. കൂടാതെ, കോര്‍ണല്‍ സര്‍വകലാശാലാ ആനുകൂല്യങ്ങളും ലഭിക്കും. പുരോഗതിക്കു വിധേയമായി മൂന്നു വര്‍ഷത്തേക്കാണ് സ്‌കോളര്‍ഷിപ്പ് അനുവദിക്കുക.
 
പിഎച്ച്.ഡി. ബിരുദം നേടിയത് ഫെലോഷിപ്പ് ആരംഭിക്കുന്ന 2022 ജൂലൈ ഒന്നിനു മുമ്പുള്ള രണ്ടു വര്‍ഷത്തിനകമാകണം (2020 ജൂണ്‍ 30നോ ശേഷമോ). ഫെലോഷിപ്പ് കാലയളവില്‍ വേതനത്തോടെയോ അല്ലാതെയോ ഉള്ള ഒരു ജോലിയിലും ഏര്‍പ്പെടാന്‍ പാടില്ല. 
 
കോളജ് ഓഫ് ആര്‍ട്‌സ് ആന്‍ഡ് സയന്‍സസിലുള്ള ഒരു സ്ഥിരം ഫാക്കല്‍റ്റി അപേക്ഷാര്‍ഥിയുടെ ഹോസ്റ്റ് (മെന്റര്‍) ആയി മൂന്നുവര്‍ഷവും പ്രവര്‍ത്തിക്കാന്‍ സന്നദ്ധത നല്‍കിയിരിക്കണം. താല്‍പര്യമുണ്ടെങ്കില്‍ ഒരു കോര്‍ണല്‍ ഫാക്കല്‍റ്റിയെ കോഹോസ്റ്റ് ആയി സ്വീകരിക്കാം. ഈ രണ്ടുപേരുടെയും അനുമതി അപേക്ഷാര്‍ഥി രേഖയായി നേരിട്ടു നേടണം.
 
അപേക്ഷിക്കുമ്പോള്‍ ഇവ നല്‍കണം. ഡോക്ടറല്‍ ഗൈഡ് ഉള്‍പ്പെടെ മൂന്നുപേരുടെ (റഫറികള്‍) റെക്കമന്‍ഡേഷന്‍ കത്തുകളും നല്‍കണം.
അപേക്ഷ as.cornell.eduresearchKlarmanfellowships വഴി ഒക്ടോബര്‍ 15ന് രാത്രി 11.59 (ഇ.ഡി.ടി.) വരെ നല്‍കാം. പൂര്‍ണമായ കരിക്കുലംവിറ്റെ, അംഗീകരിക്കപ്പെട്ട പ്രസിദ്ധീകരണങ്ങള്‍, ഉദ്ദേശിക്കുന്ന ഗവേഷണത്തെ സംബന്ധിച്ച സംഗ്രഹം, ഹോസ്റ്റ്, കോഹോസ്റ്റ്, റഫറികള്‍ എന്നിവരുടെ പേരും കോണ്ടാക്ട് വിലാസവും നല്‍കണം.

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.