ജിദ്ദ: പടിഞ്ഞാറൻ സഊദി തീരത്ത് ചെങ്കടൽ വികസന കമ്പനി നടത്തിയ ഖനനത്തിൽ 80 ദശലക്ഷം വർഷങ്ങൾ പഴക്കമുള്ള കൂറ്റൻ കടൽ പല്ലിയുടെ ഫോസിലുകൾ കണ്ടെത്തി. കഴിഞ്ഞ പത്ത് ദിവസമായി ചെങ്കടൽ തീരത്ത് രാജ്യത്തെ ഏറ്റവും വലിയ സർവേകളിലൊന്നായി കണക്കാക്കപ്പെടുന്ന ഒരു പദ്ധതിയിൽ സഊദി ജിയോളജിക്കൽ സർവേയുമായി സഹകരിച്ച് പ്രവർത്തിക്കുകയാണെന്ന് കമ്പനി അറിയിച്ചു.

സഊദി അറേബ്യയിലെ ആദ്യത്തെ അണ്ടർവാട്ടർ ആർക്കിയോളജിക്കൽ ഉത്ഖനന സ്ഥലം ഈ സ്ഥലത്തുണ്ടെന്ന് റെഡ് സീ ഡെവലപ്‌മെന്റ് കമ്പനി സിഇഒ ജോൺ പഗാനോപറഞ്ഞു. ദശലക്ഷക്കണക്കിന് വർഷങ്ങൾക്ക് മുമ്പ് ഈ പ്രദേശത്ത് ജീവൻ നിലനിന്നിരുന്നുവെന്നാണ് കണ്ടെത്തൽ സൂചിപ്പിക്കുന്നതെന്ന് അദ്ദേഹം വിശദീകരിച്ചു.

സഊദി ജിയോളജിക്കൽ സർവേയുമായുള്ള സഹകരണം, റിയൽ എസ്റ്റേറ്റ് ഡെവലപ്‌മെന്റ് സ്ഥാപനമെന്ന നിലയിൽ, നിലവിലുള്ള പ്രകൃതിദത്ത നിധികൾ കണ്ടെത്തുന്നതിനും സംരക്ഷിക്കുന്നതിനുമുള്ള തന്റെ കമ്പനിയുടെ അചഞ്ചലമായ പ്രതിബദ്ധതയുടെ വിപുലീകരണമാണെന്നും പഗാനോ പറഞ്ഞു.

അറേബ്യൻ പെനിൻസുലയുടെ സമ്പന്നമായ പ്രകൃതി ചരിത്രത്തെക്കുറിച്ച് പഠിക്കുന്നതിൽ സുസ്ഥിരമായ ചെങ്കടൽ ലക്ഷ്യസ്ഥാനം നൽകുന്ന ടൂറിസം അനുഭവങ്ങൾ വർദ്ധിപ്പിക്കുന്നതിന് പ്രത്യേക ഭൂമിശാസ്ത്രപരമായ പ്രാധാന്യമുള്ള സ്ഥലങ്ങൾ തിരിച്ചറിയുന്നതിനുള്ള അതോറിറ്റിയുമായി ചെങ്കടൽ വികസന കമ്പനി സഹകരിക്കുന്നത് തുടരും.