ടോയ്‌ലറ്റ് സീറ്റിനേക്കാള്‍ വൃത്തിയില്ലാത്ത 7 വസ്തുക്കള്‍

ദിവസേന നമ്മളുപയോഗിക്കുന്ന ചെറിയ വസ്തുക്കളില്‍ പോലും ടോയ്‌ലറ്റ് സീറ്റിലുള്ളതിനേക്കാള്‍ അധികം ബാക്ടീരിയകള്‍ അടങ്ങിയിട്ടുണ്ടെന്നാണ് പഠനങ്ങള്‍. നിങ്ങള്‍ എവിടെയിരിക്കുമ്പോഴും രോഗാണുക്കളാല്‍ ചുറ്റപ്പെട്ടിരിക്കുന്നു എന്നുവേണം മനസിലാക്കാന്‍. നിങ്ങള്‍ എത്ര ശുചിത്വം പാലിച്ചാലും, രോഗങ്ങള്‍ പകരുന്നതില്‍ നിന്ന് സ്വയം സുരക്ഷിതരായിരിക്കുക എന്നത് വളരെ ബുദ്ധിമുട്ടാണ്. ബാക്ടീരിയകള്‍ ഏറ്റവുമധികം വ്യാപിക്കുന്ന ഇടങ്ങള്‍ ഒന്ന് അറിഞ്ഞിരിക്കാം.

നിങ്ങളുടെ ഫോണ്‍

നിങ്ങളുടെ ഫോണ്‍ ബാക്ടീരിയ ഏറ്റവും കൂടുതല്‍ വരാനിടയാക്കുന്ന വസ്തു തന്നെയാണ്. വിവിധ പഠനങ്ങള്‍ അനുസരിച്ച് നിങ്ങളുടെ സ്മാര്‍ട്ട്‌ഫോണില്‍ ടോയ്‌ലറ്റ് സീറ്റിനേക്കാള്‍ ശരാശരി 10 മടങ്ങ് ബാക്ടീരിയകള്‍ ഉണ്ട്. നിങ്ങളുടെ കൈകള്‍ പരിസ്ഥിതിയില്‍ നിന്ന് അണുക്കളെ നിരന്തരം ശേഖരിക്കുന്നതിനാല്‍, നിങ്ങളുടെ സ്മാര്‍ട്ട്‌ഫോണ്‍ നിങ്ങള്‍ വിചാരിക്കുന്നതിലും കൂടുതല്‍ അണുക്കളെ സംരക്ഷിച്ചുകൊണ്ടിരിക്കുകയാണ്. നിങ്ങളുടെ ഫോണ്‍ വൃത്തിയാക്കാന്‍ സോപ്പ് അല്ലെങ്കില്‍ ആന്റി ബാക്ടീരിയല്‍ വൈപ്പ് ഉപയോഗിച്ച് നനഞ്ഞ തുണി ഉപയോഗിക്കുക.

നിങ്ങള്‍ ഉപയോഗിക്കുന്ന കീബോര്‍ഡ്,മൗസ്

കംപ്യൂട്ടറിനു മുന്നില്‍ ഇരുന്നു നിങ്ങള്‍ തുമ്മുകയും അതിന് മുകന്നില്‍ ഭക്ഷണം കഴിക്കുകയും ചെയ്യുമ്പോള്‍ ഇവയൊക്കെ നേരിട്ട് എത്തുന്നത് നിങ്ങളുടെ കീബോര്‍ഡിലേക്കാണ്. അരിസോണ യൂണിവേഴ്‌സിറ്റി നടത്തിയ ഒരു പഠനത്തില്‍ ഒരു ശരാശരി കീബോര്‍ഡില്‍ ഒരു ചതുരശ്ര ഇഞ്ചിന് 3,000 ബാക്ടീരിയകള്‍ ഉണ്ടെന്ന് കണ്ടെത്തി.നിങ്ങള്‍ ഒരിക്കലും ഇത് വൃത്തിയാക്കില്ലായിരിക്കാം. നിങ്ങളുടെ സഹപ്രവര്‍ത്തകരുമായി നിങ്ങള്‍ ഒരു കീബോര്‍ഡ് പങ്കിടുകയാണെങ്കില്‍, അത് ഇതിലും മോശമായിരിക്കും. കീബോര്‍ഡിലും മൗസിലും തൊട്ട് ജോലി ചെയ്യുമ്പോള്‍ വായ, കണ്ണുകള്‍, മൂക്ക് തുടങ്ങിയ ശരീരഭാഗങ്ങളില്‍ സ്പര്‍ശിക്കുന്നതിലൂടെ ഈ ബാക്ടീരിയകള്‍ നിങ്ങളുടെ ശരീരത്തില്‍ പ്രവേശിക്കുന്നു. കീബോര്‍ഡും മൗസും ഉപയോഗിച്ചതിന് ശേഷം കൈ കഴുകുക അല്ലെങ്കില്‍ സാനിറ്റൈസര്‍ ഉപയോഗിക്കുക.

റിമോര്‍ട്ട് കണ്‍ട്രോള്‍

ശരാശരി റിമോട്ട് കണ്‍ട്രോളില്‍ ഒരു ചതുരശ്ര ഇഞ്ചിന് 200ലധികം ബാക്ടീരിയകള്‍ ഉണ്ടെന്ന് ഹ്യൂസ്റ്റണ്‍ സര്‍വകലാശാല നടത്തിയ പഠനത്തില്‍ കണ്ടെത്തി. ഇത് പലപ്പോഴും സ്പര്‍ശിക്കുകയും വൃത്തിയായി സൂക്ഷിക്കുകയും ചെയ്യാറില്ല.

ബാത്ത്‌റൂമിന്റെ വാതിലുകള്‍

ഇകോളി ബാക്ടീരിയ പോലുള്ള അണുക്കള്‍ക്ക് എളുപ്പത്തില്‍ വളരാന്‍ സഹായിക്കുന്ന ഇടമാണ് ബാത്ത്‌റൂം. വെള്ളം ഓണാക്കുമ്പോഴും ഓഫാക്കുമ്പോഴും ടോയ്‌ലറ്റ് ഫഌ് ചെയ്യാന്‍ ഹാന്‍ഡില്‍ പുഷ് ചെയ്യുമ്പോഴും നിങ്ങളുടെ കൈയില്‍ ഒരു പേപ്പര്‍ ടവല്‍ പിടിക്കുക.

വാട്ടര്‍ ടാപ്പുകള്‍

കൈ കഴുകാത്ത ആളുകള്‍ പലപ്പോഴും വാട്ടര്‍ ടാപ്പുകളില്‍ സ്പര്‍ശിക്കുന്നു, അതിനാല്‍ അവ രോഗാണുക്കളുടെ കേന്ദ്രമായി മാറുന്നു. നിങ്ങളുടെ കൈകള്‍ കഴുകുമ്പോള്‍, സോപ്പോ ഡിറ്റര്‍ജന്റോ ഉപയോഗിച്ച് ടാപ്പ് അല്‍പ്പം വൃത്തിയാക്കാന്‍ സഹായിക്കും.

നിങ്ങളുടെ റഫ്രിജറേറ്റര്‍ വാതില്‍

കൈ കഴുകാത്ത ആളുകള്‍ പലപ്പോഴും സ്പര്‍ശിക്കുന്ന മറ്റൊരു വസ്തുവാണ് നിങ്ങളുടെ റഫ്രിജറേറ്ററിന്റെ വാതില്‍. ഡേവിസിലെ കാലിഫോര്‍ണിയ സര്‍വ്വകലാശാല നടത്തിയ പഠനത്തില്‍, ശരാശരി റഫ്രിജറേറ്റര്‍ വാതിലില്‍ ഒരു ചതുരശ്ര ഇഞ്ചില്‍ 500 ബാക്ടീരിയകള്‍ ഉണ്ടെന്ന് കണ്ടെത്തി.

നിങ്ങളുടെ ചുറ്റുപാടുകള്‍ വൃത്തിയായി സൂക്ഷിക്കുന്നതും നിങ്ങള്‍ ഇടയ്ക്കിടെ തൊടുന്ന വസ്തുക്കളെ അണുവിമുക്തമാക്കുന്നതും ആരോഗ്യകരമായ ജീവിതം നയിക്കാനാകും.