2021 October 26 Tuesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

യു.ഡി.എഫ് സീറ്റ് വിഭജന ചര്‍ച്ചകള്‍ അടുത്തയാഴ്ച തുടങ്ങും

തിരുവനന്തപുരം: നിയമസഭാ തെരഞ്ഞെടുപ്പിലെ യു.ഡി.എഫ് സീറ്റ് വിഭജന ചര്‍ച്ചകള്‍ അടുത്തയാഴ്ച തുടങ്ങും. നിയമസഭാ സമ്മേളനം സമാപിക്കുന്നതോടെ ഉഭയകക്ഷി ചര്‍ച്ചകള്‍ ആരംഭിക്കാനാണ് തീരുമാനം.

മുസ്‌ലിം ലീഗ് ഉള്‍പ്പെടെയുള്ള ഘടകകക്ഷികള്‍ കൂടുതല്‍ സീറ്റ് വേണമെന്ന ആവശ്യത്തില്‍ ഉറച്ചുനില്‍ക്കുകയാണ്. കോണ്‍ഗ്രസ് 87, ലീഗ് 24, കേരളാ കോണ്‍ഗ്രസ് (എം) 15, ലോക് താന്ത്രിക് ജനതാദള്‍ ഏഴ്, ആര്‍.എസ്.പി നാല്, കേരളാ കോണ്‍ഗ്രസ് (ജേക്കബ്), സി.എം.പി ഓരോന്നു വീതം എന്നിങ്ങനെയായിരുന്നു 2016ലെ യു.ഡി.എഫിലെ സീറ്റ് നില. ഇതില്‍ ലോക് താന്ത്രിക് ജനതാദളും കേരള കോണ്‍ഗ്രസ് ജോസ് കെ. മാണി വിഭാഗവും മുന്നണി വിട്ടു. ജോസ് കെ. മാണി ഇടതുമുന്നണിയിലേക്കു പോയെങ്കിലും കരുത്തു ചോര്‍ന്നില്ലെന്ന് അവകാശപ്പെടുന്ന പി.ജെ ജോസഫ്, കഴിഞ്ഞ തവണ പാര്‍ട്ടി മത്സരിച്ച 15 സീറ്റും വേണമെന്ന് ആവശ്യപ്പെടുന്നുണ്ട്. 10 സീറ്റില്‍ കൂടുതല്‍ നല്‍കാന്‍ കഴിയില്ലെന്ന നിലപാടിലാണ് കോണ്‍ഗ്രസ്. ഇത്തവണ 30 സീറ്റ് വേണമെന്ന ആവശ്യം മുസ്‌ലിം ലീഗ് മുന്നോട്ടുവയ്ക്കുന്നു. എന്നാല്‍ മലബാറിലും തെക്കന്‍ കേരളത്തിലും ഓരോ സീറ്റ് കൂടി നല്‍കാമെന്നാണ് കോണ്‍ഗ്രസ് നിലപാട്.

ഇതോടൊപ്പം വിജയസാധ്യത കണക്കിലെടുത്ത് ചില സീറ്റുകള്‍ തമ്മില്‍ വച്ചുമാറാമെന്ന നിര്‍ദേശവും ലീഗിനുണ്ട്. ആര്‍.എസ്.പിയും കേരള കോണ്‍ഗ്രസും (ജേക്കബ്) ഇത്തവണ കൂടുതല്‍ സീറ്റ് വേണമെന്ന് ആവശ്യപ്പെടുന്നുണ്ട്. പുതുതായി മുന്നണിയിലെത്തിയ ഫോര്‍വേഡ് ബ്ലോക്കിന് ഒരു സീറ്റ് നല്‍കിയേക്കും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.