2021 December 05 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

തദ്ദേശ തെരഞ്ഞെടുപ്പ്; യു.ഡി.എഫിന് വോട്ട് വിഹിതത്തില്‍ കുറവുണ്ടായിട്ടില്ലെന്ന് പഠനം

 
തിരുവനന്തപുരം: തദ്ദേശ തെരഞ്ഞെടുപ്പില്‍ യു.ഡി.എഫിന് വോട്ട് വിഹിതത്തില്‍ കുറവുണ്ടായിട്ടില്ലെന്ന് പഠനറിപ്പോര്‍ട്ട്. കെ.പി.സി.സി റിസര്‍ച്ച് ആന്‍ഡ് ഡെവലപ്‌മെന്റ് ഡിപ്പാര്‍ട്ട്‌മെന്റ് നടത്തിയ പഠനത്തിലാണ് കണ്ടെത്തല്‍.
1000 വാര്‍ഡുകളില്‍ നടത്തിയ പഠനത്തില്‍ 100 വാര്‍ഡുകളില്‍ സി.പി.എം ബി.ജെ.പിക്ക് വോട്ടു മറിച്ചുവെന്നു വ്യക്തമാണെന്നും റിപ്പോര്‍ട്ടില്‍ പറയുന്നു. രക്തസാക്ഷി അഭിമന്യുവിന്റെ വട്ടവട പഞ്ചായത്തില്‍ പോലും അവിശുദ്ധ ബന്ധമുണ്ടായതായും തെരഞ്ഞെടുപ്പ് കമ്മിഷന്‍ രേഖകള്‍ പുറത്തുവിട്ടുകൊണ്ട് കെ.പി.സി.സി റിസര്‍ച്ച് ആന്‍ഡ് ഡെവലപ്‌മെന്റ് ഡിപ്പാര്‍ട്ട്‌മെന്റ് ചെയര്‍മാന്‍ മാത്യു കുഴല്‍നാടന്‍ ആരോപിച്ചു. 
പല മേഖലകളിലെ നൂറോളം വാര്‍ഡുകളില്‍ നടത്തിയ പരിശോധനയില്‍ ബി.ജെ.പി, എസ്.ഡി.പി.ഐ തുടങ്ങിയ കക്ഷികളുമായി സി.പി.എം നടത്തിയ ആസൂത്രിത നീക്കു പോക്ക് മനസിലാകും. മധ്യകേരളത്തിലാണ് ഇത്തരത്തില്‍ വ്യാപകമായ രഹസ്യധാരണ ബി.ജെ.പിയുമായി സി.പി.എം ഉണ്ടാക്കിയത്. നിരവധിയിടങ്ങളില്‍ കോണ്‍ഗ്രസിനെ പരാജയപ്പെടുത്താന്‍ പരോക്ഷമായി സി.പി.എം ബി.ജെ.പിക്കു വോട്ടുമറിച്ചു. ആലപ്പുഴ, പത്തനംതിട്ട, തിരുവന്തപുരം ജില്ലകളിലെ പല മേഖലകളിലും പരസ്പരം കൂട്ടുകൂടിയാണ് മത്സരിച്ചത്. 
മാവേലിക്കര, ചെങ്ങന്നൂര്‍ നഗരസഭകളില്‍ കോണ്‍ഗ്രസിനെ അധികാരത്തില്‍ കയറ്റാതിരിക്കാന്‍ ബി.ജെ.പിക്ക് വോട്ടു മറിച്ചു. യു.ഡി.എഫിന് എവിടെയൊക്കെ കോട്ടമുണ്ടായി എന്നതു സംബന്ധിച്ച് ഇന്നു നടക്കുന്ന കെ.പി.സി.സി യോഗത്തില്‍ റിപ്പോര്‍ട്ട് സമര്‍പ്പിക്കുമെന്നും മാത്യു കുഴല്‍നടന്‍ പറഞ്ഞു.
 

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.