2020 October 01 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പണിമുടക്കില്‍ പങ്കെടുത്ത കെ.എസ്.ആര്‍.ടി.സി ജീവനക്കാര്‍ക്ക് കൂട്ടത്തോടെ സ്ഥലംമാറ്റം

തിരുവനന്തപുരം: കെ.എസ്.ആര്‍.ടി.സി പണിമുടക്കില്‍ പങ്കെടുത്ത ജീവനക്കാരെ കൂട്ടത്തോടെ സ്ഥലംമാറ്റി. ഇന്നലെ നടത്തിയ പണിമുടക്കില്‍ സര്‍വീസ് മുടങ്ങിയ ഡിപ്പോകളിലെ ജീവനക്കാരെയാണ് മാറ്റിയത്.

137 ഡ്രൈവര്‍മാരെ മാത്രം വിവിധ ഡിപ്പോകളില്‍ നിന്നായി സ്ഥലം മാറ്റി. എ.ഐ.ടി.യു.സി, ബി.എം.എസ് യൂണിയനുകളില്‍പ്പെട്ടവര്‍ക്കെതിരെയാണ് നടപടി.

കരുനാഗപ്പള്ളിയിലുള്ളവരെ കാസര്‍കോട്, പെരിന്തല്‍മണ്ണ, പൊന്നാനി, ഗുരുവായൂര്‍ എന്നിവിടങ്ങളിലേക്കും എറണാകുളത്തു നിന്നുള്ളവരെ തിരുവനന്തപുരത്തേക്കും കൊട്ടാരക്കരയിലേക്കും തിരുവനന്തപുരം സിറ്റിയില്‍ നിന്നുള്ളവരെ തൃശൂര്‍. ചാലക്കുടി, കൊടുങ്ങല്ലൂര്‍ ഡിപ്പോകളിലേക്കുമാണ് സ്ഥലം മാറ്റിയത്.

ജീവനക്കാര്‍ക്കെതിരെ പ്രതികാര നടപടിയാണ് കെ.എസ്.ആര്‍.ടി.സി മാനേജ്‌മെന്റ് സ്വീകരിച്ചതെന്ന് എ.ഐ.ടി.യു.സിയും ബി.എം.എസും ആരോപിച്ചു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.