2022 August 16 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

സഊദിയില്‍ അഴിമതിക്കേസില്‍ പിടിയിലായവരുടെ എണ്ണം അഞ്ഞൂറ് കവിഞ്ഞു

ജിദ്ദ: സഊദിയില്‍ അഴിമതിക്കേസില്‍ പിടിയിലായവരുടെ എണ്ണം അഞ്ഞൂറ് കവിഞ്ഞതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. അതേസമയം അറസ്റ്റിലായവരുടെ വ്യക്തിഗത അക്കൗണ്ടുകള്‍ മരവിപ്പിക്കുന്നുണ്ട്. കിരീടാവകാശി അമീര്‍ മുഹമ്മദ് ബിന്‍ സല്‍മാന്‍ തുടങ്ങിവെച്ച അഴിമതി വിരുദ്ധ ഉന്നത കമ്മിറ്റി ഇടപടല്‍ സാമ്പത്തിക രംഗത്ത് ഉണര്‍വാണ് ഉണ്ടാക്കുന്നത്.

അഞ്ചു ദിവസം മുമ്പാരംഭിച്ച അഴിമതി വിരുദ്ധ പദ്ധതി സജീവമായി തുടരുകയാണ്. ആരും നിയമത്തിന് അതീതരല്ലെന്ന് ബോധ്യപ്പെടുത്തുന്നതാണ് നീക്കങ്ങള്‍. ഇതിനകം അഞ്ഞൂറിലേറെ പേര്‍ പിടിയിലായി. ഇവരുടെ ഇടപാടുകളെല്ലാം പരിശോധനക്ക് വിധേയമാക്കുന്നതായി അറബ് മാധ്യമങ്ങള്‍ റിപ്പോര്‍ട്ട് ചെയ്തു. പിടിയിലായവരില്‍ 11 പേര്‍ രാജകുമാരന്മാരാണ്. ബാക്കിയുള്ളവര്‍ വ്യവസായികളും. നടപടികള്‍ വ്യവസായ നിക്ഷേപ രംഗത്ത് ഉണര്‍വാണുണ്ടാക്കിയത്. രാജ്യത്തെ ഉന്നത ബാങ്കുകളുടെ തലവന്മാര്‍ പ്രതീക്ഷയിലാണ്.

ഉന്നത വ്യവസായ രംഗത്തെ പ്രമുഖരും നിക്ഷേപ പദ്ധതിക്ക് തയ്യാറാകുന്നതായി അറബ് മാധ്യമങ്ങള്‍ ചൂണ്ടിക്കാട്ടുന്നു. 2015ല്‍ ചൈനയിലെ സാമ്പത്തിക രംഗം അഴിമതി വിരുദ്ധ പദ്ധതിയോടെ മുന്നേറിയിരുന്നു. സമാനമായ വളര്‍ച്ച ജി.ഡി.പിയില്‍ ഉണ്ടാകുമെന്ന പ്രതീക്ഷയിലാണ് നിക്ഷേപകരും വ്യവസായികളും.


 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.