2021 June 20 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സഊദി തൊഴിൽ മേഖല അടുത്ത മാസത്തോടെ കൂടുതൽ സജീവമാകും; 700 പുതിയ പദ്ധതികള്‍ ആരംഭിക്കുമെന്ന് റിപ്പോർട്ട്

റിയാദ്: സഊദിയിൽ അടുത്ത മാസത്തോടെ തൊഴിൽ മേഖല കൂടുതൽ ഉണർവാകുമെന്നു റിപ്പോർട്ടുകൾ. പുതുതായി പ്രഖ്യാപിക്കപ്പെടുന്ന പദ്ധതികൾ രാജ്യത്തിന്റെ നിലവിലെ തൊഴിൽ മേഖലയിലെ മാന്ദ്യതക്ക് താൽകാലിക പരിഹാരം കാണുമെന്നാണ് റിപ്പോർട്ടുകൾ  സഊദി വിഷൻ 2030 ലക്ഷ്യമാക്കിയുള്ള ചില പദ്ധതികൾക്ക് അടുത്ത ഈ മാസം അവസാനത്തോടെ തുടക്കം കുറിക്കുന്നതോടെ കൂടുതൽ തൊഴിലാളികൾക്ക് തൊഴിൽ ലഭ്യമാകുമെന്നും ഇത് രാജ്യത്തെ തൊഴിൽ വിപണിക്ക് കൂടുതൽ ഊർജ്ജം പകരുമെന്നും സാമ്പത്തിക മാധ്യമങ്ങൾ റിപ്പോർട്ട് ചെയ്‌തു. എഴുന്നൂറോളം പുതിയപദ്ധതികളാണ് വരും മാസങ്ങളിൽ പ്രവർത്തനമാരംഭിക്കുക. 
 
ഈ മാസം അവസാനത്തോടെ നടക്കുന്ന സഊദി ബിൽഡ് 2018 എക്‌സിബിഷനിൽ ഇതേ കുറിച്ചുള്ള കൂടുതൽ വിവരങ്ങൾ ലഭ്യമാകും. പദ്ധതികളുടെആസൂത്രങ്ങളും ബന്ധപ്പെട്ട വിശദീകരണങ്ങളും എക്‌സിബിഷനിൽ പ്രഖ്യാപിക്കപ്പെടുമെന്നാണ് കരുതുന്നത്. ലോകത്തെ വിവിധങ്ങളായ 32 രാജ്യങ്ങളിൽ നിന്നുള്ള 512 കമ്പനികളാണ് എക്ഷിബിഷനിൽ പങ്കടുക്കുന്നത്. വിവിധ വിഷയങ്ങളിലുള്ള ചര്‍ച്ചയും കരാര്‍ ഒപ്പുവെക്കലും പ്രദര്‍ശനത്തോടനുബന്ധിച്ച് നടക്കും. എക്സിബിഷന്‍ സെന്‍റര്‍ മാര്‍ക്കറ്റിങ് മാനേജര്‍ മുഹമ്മദ് സുലൈമാന്‍ ആല്‍ ശൈഖാണ് ഇക്കാര്യം പറഞ്ഞത്. പുതിയ പദ്ധതികൾ പ്രഖ്യാപിക്കുന്നതോടെ 2022 വരെ നീളുന്ന പദ്ധതികള്‍ തൊഴില്‍ മേഖലയില്‍ വരും നാലു വർഷങ്ങളിൽ ഉണര്‍വുണ്ടാവുമെന്നാണ് പ്രതീക്ഷിക്കുന്നത്.
 
സഊദി വിഷന്‍ 2030ന്‍റെ ഭാഗമായി പെട്രോളിതര വരുമാനം വര്‍ധിപ്പിക്കുകയെന്ന ലക്ഷ്യത്തോടെയാണ് പുതിയ പദ്ധതികള്‍ പ്രഖ്യാപിക്കുന്നത്. കെട്ടിട നിര്‍മാണം, നിര്‍മാണോപകരണങ്ങളുടെ പ്രദര്‍ശനം തുടങ്ങി നിക്ഷേപ സാധ്യത പരിചയപ്പെടുത്തുന്നതു കൂടിയായിരിക്കും സഊദി ബില്‍ഡ് 2018. സഊദി മാര്‍ബിള്‍ 2018 എന്ന പ്രദര്‍ശനവും നിര്‍മാണ രംഗത്തെ ഭീമന്‍ ഉപകരണങ്ങളുടെ പ്രദര്‍ശനവും ഇതേ ദിവസങ്ങളില്‍ നടക്കുമെന്നും ആല്‍ശൈഖ് കൂട്ടിച്ചേര്‍ത്തു. സഊദിയിൽ വരും വർഷങ്ങളിൽ വൻ തൊഴിൽ സാധ്യതയുണ്ടെന്ന റിപ്പോർട്ടുകൾ നേരത്തെ തന്നെ പുറത്ത് വന്നിരുന്നു. 
 
 
 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.