2022 August 12 Friday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

എൽ.ഡി.എഫ് ഭരിക്കുന്ന പഞ്ചായത്തിൽ ബി.ജെ.പി സ്റ്റാൻഡിങ് കമ്മിറ്റി ചെയർപേഴ്‌സൻ

കൊല്ലം
എൽ.ഡി.എഫ് ഭരിക്കുന്ന പെരിനാട് പഞ്ചായത്തിൽ ബി.ജെ.പി അംഗത്തെ ആരോഗ്യ-വിദ്യാഭ്യാസ സ്റ്റാൻ്റിങ് കമ്മിറ്റി ചെയർപേഴ്‌സണായി തെരഞ്ഞെടുത്തു. എൽ.ഡി.എഫ് തെരഞ്ഞെടുപ്പിൽനിന്ന് വിട്ടുനിന്നതോടെയാണ് ബി.ജെ.പി അംഗം ശ്രുതി ചെയർപേഴ്‌സണായത്. ചെയർപേഴ്‌സണായിരുന്ന യു.ഡി.എഫിലെ ഷൈനി ജോൺസൺ രാജിവച്ചതിനെ തുടർന്നായിരുന്നു തെരഞ്ഞെടുപ്പ് നടന്നത്.
സ്റ്റാന്റിങ് കമ്മിറ്റിയിൽ രണ്ട് ബി.ജെ.പി അംഗങ്ങളും എൽ.ഡി.എഫിൻ്റെയും യു.ഡി.എഫിൻ്റെയും ഒരോ അംഗവുമായിരുന്നു നേരത്തെ ഉണ്ടായിരുന്നത്. അന്ന് നറുക്കെടുപ്പിലൂടെയാണ് യു.ഡി.എഫ് അംഗം ചെയർപേഴ്‌സണായത്. കഴിഞ്ഞ സെപ്റ്റംബറിലാണ് ഷൈനി ജോൺസൺ മെംബർ സ്ഥാനം രാജിവച്ചത്. വാർഡിലെ ഉപതെരഞ്ഞെടുപ്പ് നടക്കുന്നതിന് മുമ്പ് ബി.ജെ.പി തെരഞ്ഞെടുപ്പ് കമ്മിഷനെ സമീപിച്ച് സ്റ്റാൻ്റിങ് കമ്മിറ്റിയിലേക്കുള്ള തെരഞ്ഞെടുപ്പിന് അനുമതി വാങ്ങുകയായിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.