മുംബൈ: കൊല്‍ക്കത്ത നൈറ്റ്‌റൈഡേഴ്‌സിനെതിരേ രാജസ്ഥാന്‍ റോയല്‍സിന് ആറു വിക്കറ്റ് ജയം. 134 റണ്‍സിന്റെ ചെറിയ വിജയലക്ഷ്യമാണ് രാജസ്ഥാന്  കൊല്‍ക്കത്ത നല്‍കിയത്. മറുപടി ബാറ്റിങ്ങിനിറങ്ങിയ രാജസ്ഥാന്‍ 18.5 ഓവറില്‍ നാല് വിക്കറ്റ് നഷ്ടത്തില്‍ ലക്ഷ്യം കാണുകയായിരുന്നു. 

 

ക്യാപ്റ്റന്‍ സഞ്ജു സാംസണും ഡേവിഡ് മില്‍നറും ചേര്‍ന്നാണ് രാജസ്ഥാനെ വിജയത്തിലെത്തിച്ചത്. 41 പന്തില്‍ 42 റണ്‍സെടുത്ത സഞ്ജു ഔട്ടാകാതെ നിന്നു. ജോസ് ബട്‌ലറെ തുടക്കത്തില്‍ നഷ്ടപ്പെട്ടെങ്കിലും ഒരറ്റത്ത് സഞ്ജു പിടിച്ചുനില്‍ക്കുകയായിരുന്നു. ടോസ് നഷ്ടപ്പെട്ട് ബാറ്റിങിനയക്കപ്പെട്ട കെ.കെ.ആറിന് രാജസ്ഥാന്റെ ഉജ്ജ്വല ബൗളിങിനു മുന്നില്‍ പിടിച്ചുനില്‍ക്കാനായില്ല. ഒമ്പതു വിക്കറ്റിന് 133 റണ്‍സില്‍ കെ.കെ.ആര്‍ ഒതുങ്ങുകയായിരുന്നു. കൊല്‍ക്കത്ത നിരയില്‍ ആര്‍ക്കും അര്‍ധ സെഞ്ചുറി തികയ്ക്കാനായില്ല. 36 റണ്‍സെടുത്ത രാഹുല്‍ ത്രിപാതിയാണ് ടോപ്‌സ്‌കോറര്‍.

 ദിനേശ് കാര്‍ത്തിക് (25), നിതീഷ് റാണ (22), ശുഭ്മാന്‍ ഗില്‍ (11), പാറ്റ് കമ്മിന്‍സ് (10) എന്നിവരാണ് രണ്ട@ക്കം കടന്ന മറ്റുള്ളവര്‍. സുനില്‍ നരെയ്ന്‍ (6), നായകന്‍ ഇയോന്‍ മോര്‍ഗന്‍ (0), ആന്ദ്രെ റസ്സല്‍ (9) എന്നിവരെല്ലാം നിരാശപ്പെടുത്തി. ടീമിന്റെ ടോപ്‌സ്‌കോററായെങ്കിലും ര@ണ്ടു റണ്ണൗട്ടുകളില്‍ പങ്കാളിയായ ത്രിപാഠി വില്ലനുമായി മാറി. ആദ്യം ഗില്ലും പിന്നീട് മോര്‍ഗനുമാണ് ത്രിപാഠിക്കൊപ്പം ബാറ്റ് ചെയ്യവെ റണ്ണൗട്ടായത്. കെ.കെ.ആറിന്റെ തുടക്കം പതിഞ്ഞ താളത്തിലായിരുന്നു. ഇന്നിങ്‌സിന്റെ അവസാനം വരെ അതേ രീതിയില്‍ മുന്നോട്ടു പോവുകയും ചെയ്തു.