2021 July 28 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ലോക്ക്ഡൗണ്‍ ഇളവ് ജുമുഅക്കും ബാധകമെന്ന് മുഖ്യമന്ത്രി അറിയിച്ചതായി ജിഫ്‌രി തങ്ങള്‍

 

ചേളാരി: ലോക്ക്ഡൗണില്‍ വരുത്തിയ ഇളവ് ജുമുഅക്കും ബാധകമാണെന്ന് മുഖ്യമന്ത്രി പിണറായി വിജയന്‍ അറിയിച്ചതായി സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അറിയിച്ചു. ലോക്ക്ഡൗണില്‍ വിവിധ തലങ്ങളില്‍ കഴിഞ്ഞ ദിവസം സര്‍ക്കാര്‍ ഇളവ് പ്രഖ്യാപിച്ചിരുന്നു. ഇതിന്റെ ഭാഗമായി ആരാധനാലയങ്ങളില്‍ 40 പേര്‍ക്ക് അനുമതി നല്‍കുകയായിരുന്നു.

ചില പത്രങ്ങളില്‍ വെള്ളിയാഴ്ചയിലെ ജുമുഅക്ക് ഇളവ് ബാധകമല്ലെന്ന തരത്തില്‍ വാര്‍ത്ത വന്ന പശ്ചാതലത്തില്‍ ആശയക്കുഴപ്പമുണ്ടായി. ഇതില്‍ വ്യക്തത തേടി തങ്ങള്‍ മുഖ്യമന്ത്രിയെ ഫോണില്‍ ബന്ധപ്പെട്ടതിന്റെ അടിസ്ഥാനത്തില്‍ മുസ്‌ലിംകളുടെ വിശേഷ ദിവസമെന്ന നിലക്ക് ജുമുഅക്കും ഉത്തരവ് ബാധകമാണെന്നാണ് മുഖ്യമന്ത്രി അറിയിച്ചത്.
ഇക്കാര്യം വിശ്വാസികളെ അറിയിക്കാന്‍ മുഖ്യമന്ത്രി തങ്ങളോട് ആവശ്യപ്പെട്ടു.കഴിഞ്ഞ ഒന്നാംഘട്ട കൊവിഡ് കാലത്തെ പോലെ എല്ലാ പള്ളികളിലും നിസ്‌കാര സൗകര്യം ഏര്‍പ്പെടുത്താമെന്നും കൊവിഡ് പ്രോട്ടോക്കോള്‍ പാലിക്കണമെന്നും തങ്ങള്‍ പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.