2022 January 26 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പെട്രോളിയം ഉൽപന്നങ്ങൾക്ക് ജി.എസ്.ടി സാധ്യമല്ലെന്ന് കൗൺസിൽ; ഹൈക്കോടതിക്ക് അതൃപ്തി

കൊച്ചി
പെട്രോളിയം ഉൽപന്നങ്ങൾ ജി.എസ്.ടി പരിധിയിൽ കൊണ്ടുവരാനാകില്ലെന്ന് ജി.എസ്.ടി കൗൺസിൽ ഹൈക്കോടതിയിൽ അറിയിച്ചു. കൊവിഡ് കാലമായതുകൊണ്ടു പ്രധാനവരുമാന മാർഗമായ പെട്രോളിയം ഉൽപന്നങ്ങളെ ജി.എസ്.ടിയിൽ ഉൾപ്പെടുത്തുന്ന കാര്യം ആലോചിക്കാൻ കഴിഞ്ഞിട്ടില്ലെന്നാണ് ഇന്നലെ ജി.എസ്.ടി കൗൺസിൽ കോടതിയിൽ അറിയിച്ചത്.
പെട്രോളിയം ഉൽപന്നങ്ങൾ പ്രധാന വരുമാന മാർഗമാണെന്നും കൂടുതൽ പഠനങ്ങളും ആലോചനകളും ആവശ്യമാണെന്നും കൗൺസിൽ കോടതിയിൽ അറിയിച്ചു.
എന്നാൽ കോടതി ഇതിൽ അതൃപ്തി അറിയിച്ചു. കൊവിഡ് കാലമായതുകൊണ്ട് തീരുമാനമെടുക്കാൻ കഴിഞ്ഞില്ലെന്നു പറയരുതെന്നും ഹൈക്കോടതി പറഞ്ഞു.
കൊവിഡ് കാലഘട്ടത്തിൽ പല തീരുമാനങ്ങളുമെടുത്തിട്ടുണ്ടെന്ന് കോടതി ഓർമിപ്പിച്ചു. പെട്രോളിയം ഉൽപന്നങ്ങൾ ജി.എസ്.ടി പരിധിയിൽ കൊണ്ടുവരാൻ പറ്റില്ലെന്നതിന് കൃത്യമായ മറുപടി നൽകാൻ കേന്ദ്രത്തോട് ഹൈക്കോടതി നിർദേശിച്ചു. ഹരജി ഈ മാസത്തെ രണ്ടാമത്തെ ആഴ്ച പരിഗണിക്കാനായി മാറ്റി.
കേരള ഗാന്ധി ദർശൻ വേദി ചെയർമാൻ ഡോ. എം.സി ദിലീപ് കുമാർ നൽകിയ ഹരജി ചീഫ് ജസറ്റിസ് എസ് മണികുമാർ അധ്യക്ഷനായ ബെഞ്ചാണ് പരിഗണിച്ചത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.