2021 April 15 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

നൈജര്‍ മരുഭൂമിയില്‍ 20 കുട്ടികളടക്കം 34 അഭയാര്‍ഥികള്‍ മരിച്ചനിലയില്‍

കടത്തുസംഘത്തിന്റെ കൂടെ അള്‍ജീരിയയിലേക്കു പുറപ്പെട്ടവരാണിവര്‍

അസ്സമക്ക: ആഫ്രിക്കന്‍ അഭയാര്‍ഥി പ്രശ്‌നം രൂക്ഷമാകുന്നു. നൈജറിലെ മരുഭൂമിയില്‍ നിന്ന് 20 കുട്ടികളടക്കം 34 അഭയാര്‍ഥികളുടെ മൃതദേഹങ്ങള്‍ കണ്ടെത്തി. അയല്‍രാജ്യമായ അള്‍ജീരിയയിലേക്കു കടക്കാന്‍ ശ്രമിക്കവേ ഇവരെ കടത്തിയ സംഘം ഉപേക്ഷിച്ചുപോയതെന്നാണ് കരുതുന്നത്.

ജൂണ്‍ ആറിനും 12നും ഇടയിലാണ് ഇവര്‍ മരിച്ചതെന്നാണ് കരുതുന്നത്. മരിച്ചവരില്‍ ഒന്‍പത് സ്ത്രീകളുമുണ്ട്. രണ്ടു പേരുടെ മൃതദേഹങ്ങള്‍ മാത്രമാണ് തിരിച്ചറിയാനായത്. രൂക്ഷമായ മണല്‍ക്കാറ്റ് വീശുന്ന പ്രദേശത്ത് 42 ഡിഗ്രി സെല്‍ഷ്യസാണ് ഇപ്പോഴത്തെ താപനില.

88727a805eda4d71b5c4178c5ba557f9_18

കടപ്പാട്: അല്‍ജസീറ

ആയിരക്കണക്കിന് കുടിയേറ്റക്കാരാണ് നൈജര്‍ മരുഭൂമി കടന്ന് അള്‍ജീരിയയില്‍ എത്തുന്നത്. കള്ളക്കടത്തുസംഘത്തിന്റെ കൂടെയാണ് അഭയാര്‍ഥികള്‍ ചുട്ടുപൊള്ളുന്ന മരുഭൂമി കടക്കുന്നത്. അയല്‍രാജ്യങ്ങളായ മാലി, നൈജര്‍ എന്നിവിടങ്ങളില്‍ നിന്നാണ് കൂടുതല്‍ പേരും അള്‍ജീരിയയില്‍ എത്തുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.