2021 March 04 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഉന്നിനെ വെട്ടിച്ച് ഉത്തരകൊറിയന്‍ സൈനികന്‍ ഓടി രക്ഷപ്പെടുന്നതിന്റെ ദൃശ്യങ്ങള്‍ പുറത്ത്

സോള്‍: ഉത്തരകൊറിയയില്‍ നിന്നും സൈനികന്‍ ഓടിരക്ഷപ്പെടുന്നതിന്റെ വീഡിയോ പുറത്ത്. അമേപിക്കന്‍ നിയന്ത്രിത സൈനിക യൂണിറ്റായ യുണൈറ്റഡ് നേഷന്‍സ് കമാന്‍ഡ് ആണ് ദൃശ്യങ്ങള്‍ പുറത്തുവിട്ടത്.

ഓടിരക്ഷപ്പെടുന്നതിനിടെ ഉത്തരകൊറിയന്‍ സൈന്യത്തിന്റെ വെടിയേറ്റു ഗുരുതരാവസ്ഥയില്‍ കഴിയുന്ന സൈനികനെക്കുറിച്ച് കഴിഞ്ഞ ദിവസങ്ങളില്‍ വാര്‍ത്തയുണ്ടായിരുന്നു. കഴിഞ്ഞ 13ാം തീയതിയാണ് സൈനികന്‍ രക്ഷപ്പെടാന്‍ ശ്രമിക്കുന്നതിനിടെ വെടിയേറ്റത്. ഇത് സ്ഥിരീകരിക്കുന്ന വീഡിയോ ആണ് യു.എസ് കമാന്‍ഡന്റ് പുറത്തുവിട്ടത്.

പന്‍മുന്‍ജം ട്രൂസ് ഗ്രാമത്തിലായിരുന്നു സംഭവം. ഉത്തര, ദക്ഷിണ കൊറിയന്‍ സൈനികര്‍ മുഖാമുഖം നില്‍ക്കുന്ന ഏക അതിര്‍ത്തിയാണിത്.

വാഹനം അതിര്‍ത്തിയിലേക്ക് വേഗത്തില്‍ ഓടിച്ചുവരുന്ന ദൃശ്യമാണ് വീഡിയോയില്‍ ആദ്യം കാണുന്നത്. വാഹനത്തില്‍ നിന്നും പുറത്തിറങ്ങി ദക്ഷിണകൊറിയന്‍ അതിര്‍ത്തിയിലേക്ക് ഓടുന്ന സൈനികനെ പിന്നാലെയെത്തിയ സൈനികര്‍ തുരുതുരാ വെടിവയ്ക്കുന്നതും ദൃശ്യങ്ങളിലുണ്ട്. അതിര്‍ത്തി കടന്ന ശേഷം കുഴഞ്ഞുവീണ സൈനികനെ ദക്ഷിണകൊറിയന്‍ സൈന്യം ആശുപത്രിയില്‍ പ്രവേശിപ്പിക്കുകയായിരുന്നു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.