2022 May 25 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

കശ്മീരില്‍ സംഘര്‍ഷം തുടരുന്നു; മരണം 15 ആയി

ശ്രീനഗര്‍: ഹിസ്ബുല്‍ മുജാഹിദീന്‍ കമ്മാണ്ടര്‍ ബുര്‍ഹാന്‍ മുസാഫര്‍ വനിയുടെ വധത്തെത്തുടര്‍ന്ന് കശ്മീരിലുണ്ടായ സംഘര്‍ഷത്തിന് അയവായില്ല. പ്രതിഷേധക്കാരും സുരക്ഷാ സേനയും തമ്മിലുള്ള ഏറ്റുമുട്ടലില്‍ കൊല്ലപ്പെട്ടവരുടെ എണ്ണം 15 ആയി. ഇരനൂറിലധികം പേര്‍ക്ക് പരുക്കേല്‍ക്കുകയും ചെയ്തു.

അനന്ദ്‌നാഗ്, കുല്‍ഗാം, ഷോപിയാന്‍ തുടങ്ങിയ സ്ഥലങ്ങളില്‍ പൊലിസ് സ്റ്റേഷനുകള്‍ക്കു നേരെ വ്യാപകമായ ആക്രമണമുണ്ടായി. പരുക്കേറ്റവരില്‍ 90 പേരും സുരക്ഷാ ഉദ്യോഗസ്ഥരാണെന്ന് പൊലിസ് അറിയിച്ചു.

Srinagar: Protesters throwing stones on police vehicle during a protest following the killing of Hizbul Mujahideen commander Burhan Muzaffar Wani along with his two associates, in Srinagar on Saturday. PTI Photo by S Irfan (PTI7_9_2016_000126B)

മരണസംഖ്യ ഉയരുന്നതില്‍ ദു:ഖം പ്രകടിപ്പിച്ച മുഖ്യമന്ത്രി മെഹ്ബൂബ മുഫ്തി, പ്രതിഷേധത്തെ നേരിടുമ്പോള്‍ സംയമനം പാലിക്കണമെന്ന് പൊലിസിനു നിര്‍ദേശം നല്‍കിയതായും പറഞ്ഞു.

വെള്ളിയാഴ്ച ഉച്ചയോടെയാണ് ബുര്‍ഹാന്‍ വനിയെ സൈന്യം വധിച്ചത്. ഇതോടെ വിഘടന വാദികള്‍ പ്രതിഷേധവുമായി തെരുവില്‍ ഇറങ്ങുകയായിരുന്നു. പ്രതിഷേധം നിയന്ത്രിക്കാന്‍ ശ്രീനഗര്‍, ദക്ഷിണ കശ്മീര്‍ മേഖലകളില്‍ കര്‍ഫ്യൂ പ്രഖ്യാപിച്ചെങ്കിലും സംഘര്‍ഷത്തിന് അയവുണ്ടായില്ല.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News