2022 August 19 Friday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

13,860 കോടി രൂപയുടെ കള്ളപ്പണം വെളിപ്പെടുത്തിയ ഗുജറാത്ത് വ്യവസായി കസ്റ്റഡിയില്‍

  • പണം രാഷ്ട്രീയക്കാരുടേതും ഉദ്യോഗസ്ഥരുടേതുമെന്നു മൊഴി

  • കമ്മീഷനു വേണ്ടിയാണ് പണം സൂക്ഷിച്ചതെന്നും വ്യവസായി

അഹമ്മദാബാദ്: കേന്ദ്രസര്‍ക്കാരിന്റെ വരുമാനം വെളിപ്പെടുത്തല്‍ പദ്ധതി പ്രകാരം കള്ളപ്പണം വെളിപ്പെടുത്തിയ ഗുജറാത്തി വ്യവസായി ഒടുവില്‍ പൊലിസ് കസ്റ്റഡിയില്‍. ഒരു പ്രാദേശിക ചാനല്‍ സ്റ്റുഡിയോയില്‍ വച്ചാണ് വ്യവസായിയായ മഹേഷ് ഷാ(45) യെ പൊലിസ് കസ്റ്റഡിയില്‍ എടുത്തത്.

എന്നാല്‍ താന്‍ എവിടേയ്ക്കും ഒളിച്ചോടിയില്ലെന്നും തല്‍ക്കാലത്തേക്ക് മാധ്യമങ്ങളില്‍നിന്ന് അകന്നു നില്‍ക്കുകയായിരുന്നെന്നും മഹേഷ് ഷാ ചാനല്‍ ചര്‍ച്ചയ്ക്കിടെ പറഞ്ഞു.

തന്റെ കൈയിലുള്ള പണം മുഴുവനും രാഷ്ട്രീയക്കരുടേതും ഉദ്യേഗസ്ഥരുടേതുമാണ്. കമ്മിഷനു വേണ്ടിയാണ് താന്‍ പണം സൂക്ഷിച്ചത്. കള്ളപ്പണക്കരുടെ പേരുകള്‍ ആദായനികുതി ഉദ്യോഗസ്ഥരുടെ മുന്‍പില്‍ വെളിപ്പെടുത്തുമെന്നും മഹേഷ് ഷാ പറഞ്ഞു.

കേന്ദ്രസര്‍ക്കാരിന്റെ വരുമാനം വെളിപ്പെടുത്തല്‍ പദ്ധതി പ്രകാരം ഒക്ടോബറില്‍ 13,860 കോടി രൂപയുടെ കള്ളപ്പണമാണ് മഹേഷ് ഷാ വെളിപ്പെടുത്തിയത്.

വെളിപ്പെടുത്തിയ പണത്തിന്റെ 45 ശതമാനം നികുതിയായി നവംബര്‍ 30 ന് അടയ്ക്കാന്‍ മഹേഷ് ഷായോട് അധികൃതര്‍ നിര്‍ദേശിച്ചിരുന്നു. ഈ തീയതിക്ക് കുറച്ചു ദിവസം മുമ്പാണ് ഇയാളെ കാണാതായത്.

ഷായുടെ വസതിയിലും ഓഫിസിലും കള്ളപ്പണം വെളിപ്പെടുത്താന്‍ സഹായിച്ച ചാര്‍ട്ടേഡ് അക്കൗണ്ടന്റ് തെഹ്മുല്‍ സെന്ത്‌ന എന്നയാളുടെ വീട്ടിലും തെരച്ചില്‍ നടത്തിയെങ്കിലും ഇദ്ദേഹത്തെ കണ്ടെത്താന്‍ കഴിഞ്ഞിരുന്നില്ല.ഷായുടെ ബിസിനസ് നിക്ഷേപങ്ങള്‍ ഉള്‍പ്പെടെയുള്ള മറ്റു കാര്യങ്ങള്‍ അറിയില്ലെന്ന് തെഹ്മുല്‍ സെന്ത്‌ന പ്രതികരിച്ചിരുന്നു.

 

gujaratdec3


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.