2022 July 04 Monday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

12 പേര്‍ക്ക് തെരുവുനായയുടെ കടിയേറ്റു

മാവേലിക്കര: തെക്കേക്കര പഞ്ചായത്തില്‍ ചൂരല്ലൂര്‍ കുറത്തികാട് തടത്തിലാല്‍ വാര്‍ഡുകളിലായി 12 ലേറെ ആളുകള്‍ക്ക് തെരുവു നായയുടെ കടിയേറ്റു.
വെള്ളിയാഴ്ച രാത്രിയോടെയാണ് നായയുടെ ആക്രമണം തുടങ്ങിയതെന്ന് നാട്ടുകാര്‍ പറയുന്നു. ചൂരല്ലൂര്‍ മേപ്പള്ളി ജങ്ഷനിലെത്തി തിരികെ വീട്ടിലേക്ക് മടങ്ങിയ മൂന്ന് പേര്‍ക്കാണ് വെള്ളിയാഴ്ച രാത്രിയില്‍ കടിയേറ്റത്. ശനിയാഴ്ച രാവിലെ കുറത്തികാട് ജങ്ഷനിലെത്തിയ നായ, ഹോട്ടല്‍ ജീവനക്കാരനായ ഉത്തര്‍പ്രദേശ് സ്വദേശി സോമുവിനെ കടിച്ചു. കുറത്തികാട് പഞ്ചായത്ത് മ്മ്യൂണിറ്റി ഹാളിന്റെ വരാന്തയില്‍ കിടന്ന് ഉറങ്ങുകയായിരുന്ന സോമുവിന്റെ തലക്കാണ് കടിയേറ്റത്. കുറത്തികാട്ട് അമ്മിണി എന്ന സ്ത്രീയെയും കടിച്ചു. ഇവിടെ നിന്നും വടക്കോട്ടോടിയ നായയുടെ ആക്രമണത്തില്‍ തടത്തിലാല്‍ സ്വദേശികളായ കല്യാണിയമ്മ, സുമ, ബിനു, ശ്രീകുമാര്‍ എന്നിവരുള്‍പ്പെടെ 7 പേര്‍ക്ക് കടിയേറ്റു.
തടത്തിലാലില്‍ നിന്നും വീണ്ടും വടക്കോട്ട് പോയ നായ പലരെയും കടിച്ചതായി പറയുന്നു. നായയുടെ കടിയേറ്റവര്‍ കുറത്തികാട് സിഎച്ച്‌സി, മാവേലിക്കര ജില്ലാ ആശുപത്രി, വണ്ടാനം മെഡിക്കല്‍ കോളജാശുപത്രി എന്നിവിടങ്ങളില്‍ ചികിത്സ തേടി.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.