2023 February 04 Saturday
‘കട്ടപ്പുറത്തെ കേരള സര്‍ക്കാര്‍’ ധവളപത്രം പുറത്തിറക്കി യു.ഡി.എഫ്; ഗുരുതര ആരോപണങ്ങള്‍

കൊവിഡ്-19: കുവൈത്തില്‍ ഇന്ന് മരിച്ചത് 11 പേര്‍; മരണ സംഖ്യ 107 ആയി

  • ഇന്ന് രോഗം ബാധിച്ച 942 പേരില്‍ 251 പേര്‍ ഇന്ത്യക്കാര്‍
  • പുതുതായി 203 പേര്‍ കൂടി രോഗമുക്തി നേടി

 

കുവൈത്ത് സിറ്റി: രാജ്യത്ത് ഇന്ന് കൊവിഡ് ബാധിച്ച് പതിനൊന്ന് പേര്‍ കൂടി മരിച്ചു. ഇതോടെ രാജ്യത്തെ കൊവിഡ് മരണസംഖ്യ 107 ആയി ഉയര്‍ന്നതായി കുവൈത്ത് ആരോഗ്യ മന്ത്രാലയം വക്താവ് ഡോ.അബ്ദുല്ല അല്‍ സനദ് പറഞ്ഞു. പുതുതായി 942 പേര്‍ക്കാണ് ഇന്ന രോഗം സ്ഥിരീകരിച്ചത്. ഇതില്‍ 251 പേരും ഇന്ത്യക്കാരാണ്. ഇതോടെ കുവൈത്തില്‍ കൊവിഡ് സ്ഥിരീകരിച്ച ഇന്ത്യക്കാരുടെ എണ്ണം 4561 ആയി.
സമ്പര്‍ക്കം കാരണമാണ് മുഴുവന്‍ പേര്‍ക്കും രോഗം ബാധിച്ചതെന്ന് ആരോഗ്യ മന്ത്രാലയം വ്യക്തമാക്കി.

പുതിയ രോഗികളില്‍ 331 പേര്‍ ഫര്‍വാനിയ പ്രദേശത്തെ താമസക്കാരാണ്. ഇവര്‍ക്ക് പുറമെ ഹവല്ലിയയില്‍ 155 പേര്‍ക്കും അഹമ്മദിയില്‍ നിന്നുള്ള 239 പേര്‍ക്കും, കാപിറ്റല്‍ ഗവര്‍ണറേറ്റില്‍ 88 പേര്‍ക്കും ജഹറയില്‍ നിന്നുള്ള 129 പേര്‍ക്കുമാണ് ഇന്ന് വൈറസ് ബാധ സ്ഥിരീകരിച്ചത്.

രോഗം സ്ഥിരീകരിച്ചവരുടെ ഏരിയ അടിസ്ഥാനമാക്കിയുള്ള വിവരം

  • ഫര്‍വാനിയ: 112
  • മെഹ്ബൂല : 53
  • ജലീബ് അല്‍ ശുയൂഖ്: 79
  • ഫഹാഹീല്‍ : 46

കഴിഞ്ഞ 24 മണിക്കൂറിനുള്ളില്‍ 4712 പേരുടെ സാമ്പിളുകള്‍ പരിശോധനക്കയച്ചു. ഇതുവരെ 240716 കൊവിഡ് ടെസ്റ്റുകള്‍ നടത്തിയെന്നും മന്ത്രാലയം അറിയിച്ചു.

പുതുതായി 203 പേര്‍ കൂടി രോഗം ഭേതമായി. കൊവിഡ് മുക്തരായവരുടെ എണ്ണം ഇതോടെ 3843 ആയി. നിലവില്‍ 9852 പേരാണ് ചികിത്സയിലുള്ളത്. ഇതില്‍ 169 പേര്‍ തീവ്ര പരിചരണ വിഭാഗത്തിലാണെന്നും ആരോഗ്യമന്ത്രലായം വാര്‍ത്താ സമ്മേളനത്തില്‍ കുന യോട് പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.