2024 February 22 Thursday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

തീർഥാടകർക്കുള്ള സേവനങ്ങളിൽ വീഴ്ച വരുത്തിയതിന് 10 ഉംറ കമ്പനികൾക്ക് 50,000 റിയാൽ വീതം പിഴ ചുമത്തി

മക്ക: ഉംറ തീർത്ഥാടകർക്ക് ആവശ്യമായ സേവനങ്ങൾ നൽകുന്നതിൽ പരാജയപ്പെട്ടതിന് 10 ഉംറ കമ്പനികൾക്ക് ഹജ്ജ്, ഉംറ മന്ത്രാലയം 50,000 റിയാൽ വീതം പിഴ ചുമത്തി. ഈ ഉംറ സേവന ദാതാക്കളുടെ അശ്രദ്ധ, കടമകളുടെ ലംഘനം, ഭവന, ഗതാഗത സേവനങ്ങളുമായി ബന്ധപ്പെട്ട് തീർഥാടകർക്ക് നൽകിയിട്ടുള്ള നിയമപരമായ ബാധ്യതകൾ നിറവേറ്റുന്നതിലെ പരാജയം എന്നിവയാണ് മന്ത്രാലയം കമ്പനികൾക്കെതിരെ കണ്ടെത്തിയത്.

തീർഥാടകർക്ക് നൽകുന്ന സേവനങ്ങളുമായി ബന്ധപ്പെട്ട ഒരു പോരായ്മയും അനുവദിക്കുകയോ പൊറുക്കുകയോ ചെയ്യില്ലെന്നും തീർഥാടകരുടെ അവകാശങ്ങൾ സംരക്ഷിക്കുന്നത് തുടരുമെന്നും മന്ത്രാലയം ആവർത്തിച്ചു. എല്ലാ സേവന സൗകര്യങ്ങളിലുമുള്ള തുടർ പരിശോധനകൾ വഴിയും തീർഥാടകരിൽ നിന്നുള്ള പരാതികളും ഫീഡ്‌ബാക്കും കൈകാര്യം ചെയ്യുന്നതിലൂടെയും വീഴ്ച വരുത്തുന്നവർക്കെതിരെ നടപടികൾ കൈക്കൊള്ളുമെന്നും മന്ത്രാലയം അറിയിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.