2020 November 30 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഹൈക്കോടതികളില്‍ 51 ജഡ്ജിമാരെ നിയമിക്കാന്‍ കൊളീജിയം ശുപാര്‍ശ

 

ന്യൂഡല്‍ഹി: രാജ്യത്തെ 10 ഹൈക്കോടതികളിലേക്കായി 51 ജഡ്ജിമാരെ നിയമിക്കുന്നതിനായി സുപ്രിം കോടതി കൊളീജിയം കേന്ദ്ര സര്‍ക്കാരിന് ശുപാര്‍ശ നല്‍കി. ചീഫ് ജസ്റ്റിസ് ജെ.എസ് ഖെഹാര്‍ അധ്യക്ഷനായ കൊളീജിയമാണ് ഇതു സംബന്ധിച്ച ശുപാര്‍ശ കേന്ദ്രത്തിന് നല്‍കിയത്. നിലവില്‍ രാജ്യത്തെ 24 ഹൈക്കോടതികളിലായി 41 ശതമാനത്തിലധികം ജഡ്ജിമാരുടെ തസ്തികകളാണ് ഒഴിഞ്ഞു കിടക്കുന്നത്. 1079 ജഡ്ജിമാര്‍ വേണ്ടിടത്ത് ഇപ്പോള്‍ 632 ജഡ്ജിമാര്‍ മാത്രമാണ് ഉള്ളത്.
ജഡ്ജിമാരുടെ പേരുകള്‍ സംബന്ധിച്ച പട്ടികയ്ക്ക് അന്തിമ രൂപം നല്‍കിയത് ചീഫ് ജസ്റ്റിസിന് പുറമെ ജസ്റ്റിസുമാരായ ദീപക് മിശ്ര, ജെ. ചെലമേശ്വര്‍ എന്നിവരടങ്ങിയ സമിതിയാണ്. കൊളീജിയത്തിന്റെ നടപടിക്രമങ്ങള്‍ സുതാര്യമല്ലെന്ന് ആരോപിച്ച് ചെലമേശ്വര്‍ കൊളീജിയം യോഗത്തില്‍ പങ്കെടുക്കാത്തതിനാല്‍ ചീഫ് ജസ്റ്റിസ് ഖെഹാര്‍ മെയ് 20നും 29നും ഇടക്ക് ദീപക് മിശ്ര, ചെലമേശ്വര്‍ എന്നിവരുമായി പ്രത്യേകം പ്രത്യേകം കൂടിക്കാഴ്ച നടത്തിയാണ് പട്ടികക്ക് അന്തിമ രൂപം നല്‍കിയത്. വിവിധ ഹൈക്കോടതികളിലെ കൊളീജിയം നല്‍കിയ 90 പേരുകളില്‍ നിന്നാണ് 51 പേരുകള്‍ തെരഞ്ഞെടുത്തത്.

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.