2022 May 20 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സി.പി.എം നേതൃത്വത്തിൻ്റെ ഒത്താശയിൽ ക്രിമിനൽ സംഘങ്ങൾ അഴിഞ്ഞാടുന്നു: പ്രതിപക്ഷ നേതാവ്

കൊച്ചി
സി.പി.എം നേതൃത്വത്തിൻ്റെ ഒത്താശയോടെ സംസ്ഥാനത്ത് ക്രിമിനൽ സംഘങ്ങൾ അഴിഞ്ഞാടുകയാണെന്ന് പ്രതിപക്ഷ നേതാവ് വി.ഡി സതീശൻ. കേരളം കണ്ട ഏറ്റവും ക്രൂരമായ രാഷ്ട്രീയ കൊലപാതകമായിരുന്നു ടി.പി ചന്ദ്രശേഖരന്റേത്.
പരോളിലിറങ്ങിയ ടി.പി വധക്കേസ് പ്രതികൾ കുറേക്കാലമായി ജയിലിന് പുറത്ത് ക്വട്ടേഷനുകൾക്കും കൊലപാതകങ്ങൾക്കും നേതൃത്വം നൽകുകയാണെന്നും പ്രതിപക്ഷ നേതാവ് പറഞ്ഞു.
മറ്റു നിരവധി കൊലക്കേസുകളിൽ ശിക്ഷിക്കപ്പെട്ട സി.പി.എമ്മുകാരായ ക്രിമിനലുകളും ജയിലിന് പുറത്ത് അഴിഞ്ഞാടുകയാണ്. മരിച്ച എസ്.എഫ്.ഐ പ്രവർത്തകന്റെ മൃതദേഹവും വഹിച്ചുകൊണ്ടുള്ള വിലാപയാത്രക്കിടെ കണ്ണൂരിൽ വ്യാപക ആക്രമണമാണ് നടത്തിയത്. കോൺഗ്രസ് ഓഫിസുകളും വീടുകളും തകർത്തു.
ദൗർഭാഗ്യകരമായ ഒരു സംഭവം ഉണ്ടായതിന്റെ പേരിൽ സി.പി.എം നേതൃത്വത്തിന്റെ ഒത്താശയോടെയാണ് അക്രമങ്ങൾ നടക്കുന്നത്. ക്രിമിനലുകൾ ആയുധം താഴെവയ്ക്കാനും അവരെ ജയിലിലേക്ക് മടക്കി അയയ്ക്കാനും മുഖ്യമന്ത്രി നിർദേശം നൽകണം.
കേരളത്തിലെ ഒരു കോൺഗ്രസ് നേതാവിനും ജനങ്ങളുടെ ഇടയിൽ പ്രവർത്തിക്കാൻ തടസമോ ഭയമോ ഇല്ലെന്നും അദ്ദേഹം കൂട്ടിച്ചേർത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.