സി.കെ തങ്കപ്പന്‍ അനുകരണീയനായ വിദ്യാര്‍ഥി നേതാവ്: ഡോ. ശൂരനാട് രാജശേഖരന്‍
കൊല്ലം: കെ.എസ്.യു സ്ഥാപക നേതാക്കളില്‍ ഒരാളും കേരളത്തിലെ കെ.എസ്.യു-യൂത്ത് കോണ്‍ഗ്രസ് പ്രസ്ഥാനങ്ങള്‍ ഇന്നു കാണുന്ന രീതിയില്‍ വളര്‍ച്ചയിലെത്തിക്കാന്‍ അക്ഷീണം പ്രവര്‍ത്തിച്ച നിസ്വാര്‍ത്ഥനായ നേതാവായിരുന്നു സി.കെ തങ്കപ്പനെന്ന് കെ.പി.സി.സി ജനറല്‍ സെക്രട്ടറി ഡോ. ശൂരനാട് രാജശേഖരന്‍ പറഞ്ഞു. കെ.എസ്.യു ജില്ലാ കമ്മിറ്റി സംഘടിപ്പിച്ച സി.കെ തങ്കപ്പന്‍ അനുസ്മരണസമ്മേളനം ഉദ്ഘാനം ചെയ്യുകയായിരുന്നു അദ്ദേഹം.
കേരള ചരിത്രം പഠിക്കുന്ന വിദ്യാര്‍ഥിക്ക് കെ.എസ്.യു ചരിത്രം പഠിക്കാതെ പോകാന്‍ കഴിയില്ല. അത്രമാത്രം കേരളത്തിന്റെ രാഷ്ട്രീയ-സാമൂഹ്യരംഗങ്ങളില്‍ വിലമതിക്കാനാകാത്ത സംഭാവനകള്‍ നല്‍കിയ പ്രസ്ഥാനമാണ് കെ.എസ്.യു എന്നും അദ്ദേഹം പറഞ്ഞു. കെ.എസ്.യു ജില്ലാ പ്രസിഡന്റ് വിഷ്ണു വിജയന്‍ അധ്യക്ഷനായി. കെ.പി.സി.സി സെക്രട്ടറി അഡ്വ. ഷാനവാസ് ഖാന്‍, ഡി.സി.സി ഭാരവാഹികളായ പി. ജര്‍മിയാസ്, സൂരജ് രവി, വിപിന ചന്ദ്രന്‍, കെ.എസ്.യു സംസ്ഥാന ജനറല്‍ സെക്രട്ടറി സുഹൈല്‍ അന്‍സാരി, സെക്രട്ടറി യദു കൃഷ്ണന്‍, ജില്ലാ ഭാരവാഹികളായ കൗഷിഖ് എം. ദാസ്, അനൂപ് നെടുമ്പന, അതുല്‍. എസ്.പി, സന്തോഷ് പട്ടത്താനം, സിയാദ്, ആശിഖ് ബൈജു, ലിവിന്‍ വേങ്ങൂര്‍, അജിത്ത് ലാല്‍, അര്‍ഷാദ്, സച്ചു സംസാരിച്ചു.
രാവിലെ കെ.എസ്.യു നേതൃത്വത്തില്‍ പോളയത്തോട് ശ്മശാനത്തിലെ സി.കെ. തങ്കപ്പന്‍ സ്മാരകത്തില്‍ പുഷ്പാര്‍ച്ചനയും നടത്തി.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- വാക്സിനെടുത്തിട്ടും പേവിഷബാധയേറ്റ പെണ്കുട്ടി മരിച്ച സംഭവം; മനുഷ്യാവകാശ കമ്മീഷന് ഇടപെട്ടു
- എസ്.എഫ്.ഐക്കാര് വച്ച വാഴ എടുത്തുമാറ്റി അതേ സീറ്റിലിരുന്ന് രാഹുല് ഗാന്ധി (വിഡിയോ)…
- ‘കഴിഞ്ഞ വര്ഷത്തെ എസ്.എസ്.എല്.സി ഫലം ദേശീയ തലത്തില് വലിയ തമാശയായിരുന്നു; വിവാദ പരാമര്ശവുമായി മന്ത്രി
- നൂപുര് ശര്മ്മ മാത്രമല്ല, രാജ്യത്ത് കലുഷിത അന്തരീക്ഷം സൃഷ്ടിച്ചതില് പ്രധാനമന്ത്രിക്കും ആഭ്യന്തരമന്ത്രിക്കും അടക്കം പങ്കെന്ന് രാഹുല് ഗാന്ധി
- വസ്തുത പുറത്തു കൊണ്ടുവരുന്നവര്ക്കെതിരെ കേസെടുക്കുന്ന ഫാസിസ്റ്റ് രീതിയാണ് പിണറായിയുടേതെന്ന് ചെന്നിത്തല
